1 Samuel 18:16 - De Beebaa Dabu

¹⁶ Aagai de gau Israel alodahi ma dangada o Judah gu kona mmao delaadeu malangilangi i David; go hiidinga ia e dagi saele denga daane hebagi.

1 Samuel 18:16 Referans Kwoze

1 Samuel 18:5

Gai masavaa alodahi a Saul e hai ai David gi hano gi hebagi gai ia e kii; deelaa ai, a Saul ne hai ia gi dagina de hagabuulinga hebagi. Gai denga dagi ma daane hebagi alodahi gu malangilangi.

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.

Luke 19:48

Gai tee maua, go hiidinga dangada alodahi ne llodo mmao e hagallongo ana agoago.

1 Kings 3:7

Tagi Maolunga dogu Maadua, anailaa nei gai koe gu hai au, doo dangada hai hegau, gi suuia dogu damana go David gi hodooligi ai, gai au se gauligi donu huu; au e dee iloo donu be ni aha aagu e hai.

2 Samuel 5:2

De masavaa o Saul ne hodooligi ai i mua, gai go koe ne dagina Israel i de hebagi. Gai Tagi Maolunga gu hai adu, ‘Koe gi diiloo ange ogu dangada go de gau Israel, gai koe gi hodooligi i honga o Israel.’ ”

Numbers 27:17

gai ia ga hano ai i olaadeu mada i mua, ma de dagi gilaadeu i mommee alodahi, gai de hagabuulingaa dangada o Tagi Maolunga gu dee bei denga ssiibi e deai laa selaadeu dangada hagaloosi.”

1 Samuel 18:13

Gai a Saul ne hai David gi dee noho i ono daha, gai ne hai ia gi se dagi niio de mano daane hebagi; gai David gu hano ga dagi saele denga daane i de hebagi.

1 Samuel 18:15

Gai ga gidee huu e Saul bolo David gu sula mmao, gai ia gu madagu i de ia.

Esther 10:3

Gai taane Ssuu go Mordecai, go togolua i lalo o de hodooligi go Ahasuerus, ia se daane maolunga i daho de gau Ssuu, ma de hagadubu i daho ono dangada, go hiidinga ia ne hagammahi ga ssala de mee e danuaa ange gi ono dangada donu, ma de hai hegau ange gi nnoho paba denga hagadiilinga alodahi.