1 Samuel 17:28 - De Beebaa Dabu

²⁸ Gai dono daina madua go Eliab gu langona e ia muna a David ne hai ange gi denga daane. Gai ia gu lili mmao, gai ia ga hai ange, “Se hanonga aha donu oou ne humai ai naa? Gai goai aau ne dugu gi diiloo ange denga momo ssiibi ma guudi i de vao laa? Au e iloo bolo koe e lodo maolunga ma de baubau oo lodo. Koe se lodo donu huu e humai e tilo de hebagi.”

1 Samuel 17:28 Referans Kwoze

Matthew 10:36

Gai hagadaumee o tangada go dangada donu i dono huaabodu.

Proverbs 18:19

Tangada gu lili laa e makaga ange ono lodo i de aduhale buibui makaga, gai de hagadaumee e bei baalanga hagamakaga o de hale buibui makaga.

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

Genesis 37:8

Gai ono daina daane ga ssili ange gi de ia, “Se muna abodonu go koe e dagina gimaadeu alodahi? Gai go koe hogi e aamua i odaadeu magavaa?” Gai gilaadeu gu kii ange donu delaadeu llili i de ia, i hiidinga o dana midi ma ana muna.

Genesis 37:4

Gai ga gidee huu e ono daina daane ange laa bolo delaadeu damana e kii Joseph dono aloha ai i gilaadeu alodahi, gai gilaadeu gu kino i Joseph, gai gilaadeu gu dee maua i de pasa danuaa ange gi de ia.

Mark 3:21

Gai ga langona huu e dono huaabodu mee laa, gai gilaadeu ga loomai e kave Iesu, go hiidinga gilaadeu e hagataba, “Ia gu senga ange.”

Jude 1:10

Aagai de gau naa e pasa hagangadi mee i alaadeu mee e dee tonu ange aagena, gilaadeu e bei dagodo o denga manu e deai laa hagasaele, gai e hai donu huu maanadu e loage i olaadeu lodo, gai aalaa donu mee e daia gilaadeu ga maakau.

Matthew 27:18

Gai Pilate gu iloo bolo, dagi o de gau Ssuu ne gaavange Iesu, i hiidinga delaadeu llodo gaiaa.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Proverbs 27:4

De lili e kona de alasala, gai de bole e kii ange donu de baubau, aagai goai e maua i de hai baasi ange gi de maagoda?

Psalm 35:11

De gau tala hagadonu hadu muna e hagabaubau au; gilaadeu e ssili mai gi de au mee aagu e dee iloo.

1 Samuel 16:13

Gai Samuel ne poo mai de lolo ga hagasulu ai David i madamada o ono daina daane. Mai i de laangi laa, gai de Hagasaalunga o Tagi Maolunga gu hano iho gi ono elunga i de mmahi. Gai Samuel ga ahe ai loo gi Ramah.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

1 Samuel 17:29

Gai David ga hai ange, “Se baubau aha aagu gu hai laa? Au ne ssili donu huu dahi muna ssili.”

2 Chronicles 11:18

Rehoboam ne hai bodu ange hogi gi Mahalath, tamaa hine a Jerimoth, tama daane a David, ma Abihail, tamaa hine a Eliab, tama daane a Jesse.