1 Samuel 16:7 - De Beebaa Dabu

⁷ Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

1 Samuel 16:7 Referans Kwoze

John 7:24

Goodou aude hagamodu ina muna i oodou mee e gide, gai hagamodu ina i de heohi.”

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

1 Peter 3:4

aagai goodou hagamahamaha ina goodou i mee i de lodo e dee gidee laa, go mee e dee maua gi pobo, bei de daudonu ma tee muu i de lodo maolalo; aanei mee e hagamogomogo i daho de Maadua.

Proverbs 16:2

Tangada e maanadu bolo ana hegau alodahi e gilimalali, aagai Tagi Maolunga e hagahidi dagodo o ono lodo.

Proverbs 31:30

De tuhi a dangada e daahanga tangada, gai de mahamaha e moolau de lilo; aagai de hine e madagu laa i Tagi Maolunga e duuhia naa.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

1 Kings 8:39

gai koe hagalaangona dana dalodalo i doo mommee noho i de langi, ga degi ange ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange i lodo o dangada alodahi),

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Jeremiah 20:12

Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

2 Corinthians 10:10

Go hiidinga gilaadeu e hagataba, “Muna i lodo ana leda e daemaha ma de mmahi, gai de masavaa oona i odaadeu daha ai gai ia se dangada baageaa, gai ana muna e deai ono haigamaiana.”

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —

De Beebaa go Job 10:4

E hanu oo ganomada bei tangada? Koe e tilo bei de hai a tangada e tilo ai?

2 Samuel 14:25

Gai e deai donu se dama daane i Israel e mahamaha bei dagodo o Absalom. E deai donu se mee baubau daudahi i dono angaanga, mai i luoono vae ga dae age ai gi dono biho.

1 Samuel 9:2

Gai e dahi ana dama daane, dono ingoo go Saul, ia se dama daane mahamaha. Gai e deai ange donu se daane mahamaha i magavaa o de gau Israel bei ono dagodo, gai e looloa ange donu i dangada alodahi.

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Proverbs 15:11

De mommee o de gau maakau ma Abaddon e maahuge i mada luu mada o Tagi Maolunga, gai lodo o dangada e kii ange donu de maahuge ange gi de ia.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

2 Corinthians 10:7

Goodou e kalo ange donu ma e tilo mee e gide i ganomada. Noo dahi dangada e iloo too donu bolo ia nii Klisdo, gai ia gi hagamaanadu bolo gimaadeu nii Klisdo hogi, bei ono dagodo.

John 8:15

Goodou e hagamodu muna bei dagodo lodo o dangada, gai au e dee hagamodu donu muna o dahi dangada.

Genesis 4:5

gai ia tee malangilangi i Cain aabe go dana sigidaumaha. Gai a Cain gu kona mmao dono lili, gai luoono mada gu hagaago mai donu dono lili.

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.

2 Samuel 7:20

Gai aahee ange naa agu muna e tala? Dogu Ia Aamua go Iahweh, koe e iloo dagodo o doo dangada hai hegau!

2 Chronicles 6:30

gai koe hagalaangona dana dalodalo i doo mommee noho i de langi, ga degi ange, ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange gi lodo o dangada,)

Proverbs 24:12

Noo koe e hagadaba, “Tilo, gimaadeu tee iloo donu,” e aha, de ia e hagahidi ina lodo o dangada e dee iloo e ia de mee nei? E aha, de ia e hagaloosia adu doo mouli e dee iloo e ia de mee nei? Gai ia e dee hagao ange naa dahi ma dahi gi bei dagodo o ana hegau?

1 Chronicles 17:18

Gai aahee ange naa agu muna e tala adu, i dau hagadubu doo dangada hai hegau? Koe e iloo dagodo o doo dangada hai hegau!

De Beebaa go Job 35:5

Galo age gi de langi mage diiloo denga giliiga, mee nei e maolunga ange i de goe.