1 Samuel 16:12 - De Beebaa Dabu

¹² Gai Jesse ne aalu ga gaamai tama daane laa. Gai tama daane laa e somo mmahi dono angaanga, ma de mahamaha luoono mada ma dono angaanga. Gai Tagi Maolunga ga hai ange, “Hidi age hagadabu ina ia i de lolo; deenei tama aagu gu hili.”

1 Samuel 16:12 Referans Kwoze

Lamentations 4:7

Olaadeu dagi e gilimalali ange i denga snow, ma de tea ange i denga vai uu; olaadeu angaanga e mmea ange i denga ruby, gai olaadeu hoolinga e bei denga sapphire.

Song of Songs 5:10

Dogu dau soa e mahamaha ma de mmahi, ono dagodo e dubu ange i denga daane e dahisemada.

Acts 7:20

Deenei de masavaa o Moses ne haanau ai. Gai ia se gaagaa mahamaha i mada luu mada o de Maadua. Gai ia ne haele age i de hale o dono damana i e dolu malama.

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

1 Samuel 17:42

Gai de masavaa huu a taane Philistia laa ne gidee ai David, gai ia ne hagangadi mee ia, go hiidinga ia se gauligi donu huu, e mada mmea dono angaanga ma de mahamaha.

1 Samuel 9:17

De masavaa huu a Samuel ne gidee a Saul, gai Tagi Maolunga ga hai ange gi de ia, “Deenei taane aagu ne tala adu laa gi de goe. Go ia e dagina ogu dangada.”

Genesis 39:6

Gai ia ga dugu ange ana mee alodahi gi Joseph gi huahua ai, gu deai donu ono mee e hakoso ange aagena, go dono gaimee donu huu. Gai Joseph se daane somo danuaa dono angaanga ma de mahamaha,

Hebrews 11:23

De gai o luu maadua o Moses ne hai ga maua e gilaau i de hagammuni ia, i e dolu malama i dua dono haanau, go hiidinga gilaau ne gidee bolo ia se dama mahamaha, gai gilaau tee maatagu donu i de hainga a de hodooligi.

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

Exodus 2:2

Gai de hine laa ne hai dama ga haanau dahi dama daane. Gai ga gidee huu e ia bolo dana gaagaa se dama mahamaha, gai ia ga hagammuni ia i e dolu malama.

1 Samuel 17:55

De masavaa a Saul ne gidee ai de hano o David ga hebagi ange gi taane Philistia laa, gai ia ga ssili ange gi tagi o denga daane hebagi go Abner, “Abner, niiai tama daane laa?” Gai Abner ne hai ange, “De hodooligi, au e hagatoo donu i doo mouli, bolo au e dee iloo.”

2 Samuel 7:8

Deenei ai, hai ange gi dogu dangada hai hegau go David, ‘E hagadaba Tagi o denga hagabuulinga hebagi: Au ne kave gee goe mai i de mommee iai helii, ma mai i de hagaloosi ange denga ssiibi, gai koe ga dagi ai ogu dangada, go de gau Israel.

2 Samuel 23:1

Aanei muna hagaodi a David: “Muna a David tama daane a Jesse, muna a taane gu hagaamua i daho de Ia Maolunga Mmao laa, go taane a de Maadua o Jacob gu hagadabu i de lolo, gai go de ia e haia daahili danuaa a de gau Israel:

1 Kings 1:34

Gai tangada haimeedabu go Zadok, ma de pelaabisi go Nathan ga hagadabu ia i de lolo gi hodooligi i Israel; gai goodou ga ili denga hanga manu ga hagataba, ‘Gi daulooloa de mouli o de hodooligi go Solomon!’

Psalm 78:70

Ia ne hili dono dangada hai hegau go David, ga kave ia mai i denga buibui ssiibi,

Zechariah 4:14

Ia ne hai mai gi de au, “Aanei luu dangada gu hagadabu laa gi tuu i mada luu mada o de Ia Aamua o henua i lalo alodahi.”

1 Samuel 16:18

Gai dahi dama daane ne hai ange, “Tilo, au e iloo dahi dama daane a Jesse, taane Bethlehem, ia e mmau i de hagadangidangi, gai se daane mmahi ma de dau i de hebagi. Ia e heiangi i de basa, gai se daane mahamaha, gai Tagi Maolunga e noho i ono daha.”