1 Samuel 15:6 - De Beebaa Dabu

⁶ Gai a Saul ga hai ange gi de gau Ken, “Goodou hulo gee mai i daho de gau Amalek, gi dee daia ai e au goodou gi maakau, go hiidinga goodou ne abodonu ange gi de gau Israel i de masavaa olaadeu ne ssao ai ga loomai i Egypt.” Gai de gau Ken ne hulo gee mai i daho de gau Amalek.

1 Samuel 15:6 Referans Kwoze

Judges 1:16

Gai de aamuli o Ken, ssaulaba o Moses, ne hulo gee mai i de aduhale o denga palm, madali dangada o Judah ga nnoho madali gilaadeu i de vao o Judah i Negev, i gaogao o Arad.

Judges 4:11

De masavaa laa gai Heber, taane Ken, ne hano gee mai i de mommee o de gau Ken, de aamuli o Hobab ssaulaba o Moses. Ia ne hano ga hagaduu dono hale malo i gaogao de oak i Zaanannim, de mommee laa e baa ange gi Kedesh.

Exodus 18:19

Hagalaangona gai au ga tala adu dau hai e hai ai, gai de Maadua gi noho i oo daha. Dau hegau e hai go de hano i magavaa o dangada ma de Maadua, gai koe ga kave olaadeu dee heloongoi gi de Maadua.

1 Samuel 27:10

Gai ga siilia ange naa huu e Achish, ga hai ange, “Go hee aau ne hano naa ga hebagi ai anailaa nei?”, gai David ga hai ange, “Au ne hano ga hebagi ange gi hanu mommee i de bido i ngaage o Judah,” be, “Go de bido i ngaage de mommee o Jerahmeel,” aabe, “Go de bido i ngaage de henua o de aamuli o Ken.”

Judges 5:24

Jael, de bodu o Heber, taane Ken, e manuuia ange i denga haahine alodahi, i denga haahine e nnoho i lodo hale malo.

Revelation 18:14

Gilaadeu e hagataba, “Denga huamanu oodou e hiigaina laa gu gaavee gee mai i oodou daha. Denga goloa hagamogomogo alodahi ma oodou mahamaha gu llilo, gai gu dee gidee ange naa donu!”

2 Timothy 1:16

Gai Tagi Maolunga gi abodonu ange gi de huaabodu o Onesiphorus, i hiidinga ia e dee modu donu de hagaaneane ogu lodo, gai e dee dogaa donu i de au i dogu hhao gi lo te hale pono;

2 Corinthians 6:17

Deenei ai, goodou hulo gee mai i olaadeu magavaa, gai vaaea gee goodou mai i gilaadeu, go Tagi Maolunga e hagadaba, gai goodou aude poo ange gi de mee hakino gee; gai au ga abodonu adu gi goodou,

Acts 2:40

Gai ne lagolago ana mee ne tala ange ma de tala hagadonu ange aama de hagammahi ange gilaadeu, ga hai ange, “Goodou hagaola ina goodou mai i de hagaduasala gu dai gaavange gi de atangada baubau nei!”

Proverbs 9:6

Dilia oodou llodo ssenga gi mouli ai goodou, gai daudali i de haiava e maua ai goodou gi tonu ange.”

1 Chronicles 2:55

Gai hagadiilinga o de gau sisi e nnoho laa i Jabez: go de gau Tirath, ma de gau Shimeah, aama de gau Sucah. Aanei hagadiilinga o de gau Ken, taane Hammath, go tamana o de huaabodu o Recab.

Numbers 16:34

Gai de gau Israel alodahi i olaadeu gaogao ga saavini ga hulo gee, i de masavaa alaadeu ne langona ai delaadeu oo, gilaadeu ne hagataba, “De henua kana holo hogi gidaadeu!”

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

1 Samuel 15:5

Gai a Saul ga kave gilaadeu ga hulo ai gi de aduhale o de gau Amalek, ga nnoho ga tali e hebagi ange ai gi gilaadeu i lo te geelonga.

1 Samuel 30:29

ma Racal, ma denga aduhale o de gau Jerahmeel, ma denga aduhale o de gau Ken,

Genesis 15:19

ma de mommee o de gau Ken, ma de gau Keniz, ma de gau Kadmon,