1 Samuel 15:35 - De Beebaa Dabu

³⁵ Gai Samuel tee ahe ange gi daho Saul i taulooloa dono mouli, aagai ia ne hinangalosaa i a Saul. Gai Tagi Maolunga gu sivi i dana hai a Saul ga hodooligi i Israel.

1 Samuel 15:35 Referans Kwoze

1 Samuel 19:24

Gai ia ga hagaui hogi ono malo laa daha, gai ia ga basa pelaabisi i mada i mua o Samuel, ma de dagodo i kilaa i de laangi laa aama de boo laa. Deelaa ai, dangada ne hagataba, “A Saul gu dau nei hogi madali denga pelaabisi?”

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.

1 Samuel 16:1

Gai Tagi Maolunga ga hai ange gi Samuel, “Dee hee maa taulooloa doo hinangalosaa i a Saul, gai au gu kino i de hai ia gi hodooligi i Israel? Haaoa dau hanga manu i lolo hannoo ai; au e hai goe gi hano gi de hale o Jesse, taane Bethlehem; go hiidinga au gu hili dahi ana dama daane gi hodooligi.”

Philippians 3:18

Go hiidinga gu soa donu dangada ni hagadaumee niio de laagau lui o Klisdo i alaadeu hegau e hai. Gai gu lava donu i dagu tala adu gi goodou mee nei i mua, gai au e ahe ange hogi e tala adu gi goodou iainei ma de dangi.

Genesis 6:6

Gai Tagi Maolunga gu ahe dana maanadu i dana hai tangada i henua i lalo, gai ia gu daemaha mmao ono lodo.

Psalm 119:158

Au e kino i gilaadeu e dee hai hegau i de mee abodonu, i hiidinga gilaadeu e dee daudali i au muna.

Psalm 119:136

Au e dangi ma de ssali ogu loimada, i hiidinga dangada e dee daohi au hainga.

2 Samuel 6:23

Gai Michal, tamaa hine a Saul, teai donu sana dama ga dae ai gi dono magau.