1 Samuel 15:24 - De Beebaa Dabu

²⁴ Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

1 Samuel 15:24 Referans Kwoze

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Numbers 22:34

Gai Balaam ga hai ange gi tangada de langi o Tagi Maolunga, “Au gu haisala, i hiidinga au tee iloo donu bolo koe e duu i lo te haiava, ma e buibui ai au gi dee hano. Deenei ai, noo koe e dee malangilangi, gai au e aahe donu gi dogu hale.”

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Galatians 1:10

E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

Matthew 27:4

ga hai ange, “Au gu haisala i dagu gaavange tangada e deai ono haisala e daa gi magau.” Gilaadeu ne hai ange gi de ia, “Gai ni aha amaadeu e hai ai? Diiloo be dee hee dau hai e hai ai!”

Exodus 23:2

Aude ago ange i dangada soa gi haia ai de baubau, aabe gi hagahaisala ina de hagamodu heohi, i doo hagabuni ange gi dangada soa,

Jeremiah 38:5

Gai de hodooligi go Zedekiah ga hai ange, “Goodou hilihilia be se aha e hai ange gi de ia. De hodooligi e dee maua i de buibui goodou.”

De Beebaa go Job 31:34

go hiidinga au e madagu i dangada soa, ma de madagu i de hagangadi mee a dogu huaabodu au, deelaa ai, au e noho dee muu, ma tee sao gi duaahaho —

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

1 Samuel 15:15

A Saul ne hai ange, “Denga daane hebagi ne gaamai denga manu nei i daho de gau Amalek; gilaadeu tee daa denga ssiibi ma denga kaau danuaa hugadoo, e hai ai ssigidaumaha ange gi Tagi Maolunga doo Maadua, gai mee ange laa gu odi i de oha.”

1 Samuel 15:9

Aagai Saul ma de hagabuulinga hebagi ne dugu Agag gi mouli, madali denga ssiibi ma kaau danuaa hugadoo, ma denga kaau gauligi pedi, ma denga ssiibi gauligi, aama mee danuaa alodahi; gilaadeu tee llodo e oha aabe e daa gi maakau mee alodahi, aagai gilaadeu ne oha mee alodahi e deai olaadeu haigamaiana ma de baageaa.

1 Samuel 2:29

Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’

Exodus 10:16

Gai Pharaoh ga hagamoolau ga hagahi Moses ma Aaron, ga hai ange, “Au gu haisala ange gi Tagi Maolunga doodou Maadua aama adu gi gooluu.

Exodus 9:27

Gai Pharaoh ga aalu Moses ma Aaron ga hai ange gi gilaau, “Au gu haisala donu i de hanonga nei; Tagi Maolunga e heohi, gai go gimaadeu ma dogu huaadangada ne baubau.

Genesis 3:17

Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai, de gelegele gu hagamalaia i oo hiidinga; gai koe e gaimee ai naa donu huu noo koe e hagadalea ange aagena, i taulooloa oo laangi e mouli ai.

Genesis 3:12

Gai taane laa ga hai ange, “Go de hine aau ne gaamai nei gi noho madali au ne gaamai gi de au hua o de manu laa, gai au ga gai.”

1 Samuel 26:21

Gai a Saul ga hai ange, “Au gu haisala. David dagu dama, ahe mai. Au gu dee ahe ange naa donu e vaivai hai goe, go hiidinga koe ne hagamogomogo dogu mouli anailaa nei. Tilo, au e iloo bolo au gu hai hegau bei tangada lodo senga, ma de kona mmao dogu haisala.”

Psalm 51:4

Au e hai baasi adu donu gi de goe, i dogu haisala, ma de hai de baubau i mada luoo mada, deenei ai, koe e heohi donu i doo masavaa e basa ai, gai e heohi donu dau hagamodu muna.