1 Samuel 15:20 - De Beebaa Dabu

²⁰ Gai a Saul ga hai ange gi Samuel, “Au ne hagallongo ange gi muna a Tagi Maolunga. Au ne hano ga hai de hegau a Tagi Maolunga ne hai au gi hano gi haia. Au ne gaamai Agag, de hodooligi o Amalek, gai ne daa ga maakau de gau Amalek ange laa.

1 Samuel 15:20 Referans Kwoze

1 Samuel 15:13

Gai de masavaa huu o Samuel ne hano ai ga dae gi daho Saul, gai a Saul ga hai ange gi de ia, “Tagi Maolunga gi hagamanuuia ina goe; au ne hagassula donu muna a Tagi Maolunga.”

Romans 10:3

Go hiidinga gilaadeu tigi tonu ange gi de hai a de Maadua e hagaheohi ai dangada, gai e ssala donu huu delaadeu hai e hagaheohi ai, gilaadeu e dee llodo e dugu ange gilaadeu gi de hagaheohi a de Maadua.

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Luke 10:29

Gai ia ne lodo e hagaheohi donu huu ia, deelaa ai, ia ne ssili ange gi Iesu, “Goai tangada e baa mai gi de au?”

Matthew 19:20

Tama daane laa ne hai ange gi de ia, “Mee naa alodahi gu odi i dogu daudali ai. Gai ni aha ange tigi dohu i ogu daha?”

De Beebaa go Job 40:8

E aha, koe e hai gi dee sula dagu hagamodu heohi? Koe e hagamodu ogu muna gai ga hagaheohi goe?

De Beebaa go Job 35:2

“Koe e maanadu bolo se mee heohi deenei? Koe e hagadaba, ‘Au e heohi donu i mada luu mada o de Maadua.’

De Beebaa go Job 34:5

Gai a Job ne hai ange, ‘Au e heohi donu huu, gai de Maadua gu kave gee dogu heohi.

De Beebaa go Job 33:9

‘Au e gilimalali gai e deai donu ogu haisala, au tigi haisala donu, gai e deai donu ogu dee heohi.

1 Samuel 15:8

Gai ia ne dugu Agag, de hodooligi o de gau Amalek gi mouli, aagai ne daa ga maakau dangada alodahi i de gadilaasa.

1 Samuel 15:3

Gai koe hannoo hebagi ange gi de gau Amalek ma gi oohaa olaadeu mee alodahi. Aude dugua donu dahi gilaadeu gi ola, gai daia alodahi denga daane ma haahine aama denga gauligi vaaligiligi, ma denga kaau ma ssiibi, ma gamelo, aama donkey.’ ”

1 Samuel 28:18

Go hiidinga koe tee hagallongo ange gi muna a Tagi Maolunga, gai tee hagasula dono lili e hai baasi ange ai gi de gau Amalek, deelaa ai, Tagi Maolunga gu hai adu de mee nei gi de goe anailaa nei.