Biblia Todo Logo
Bib sou entènèt

- Piblisite -




1 Samuel 14:36 - De Beebaa Dabu

36 Gai a Saul ne hai ange, “Gidaadeu ga hulo e hebagi ange gi de gau Philistia aaboo nei, ga gaiaa alaadeu mee ga dae ai gi de sula age de maalama i taiao; gidaadeu e dee dugu donu dahi dangada daudahi gi ola.” Gilaadeu ne hai ange, “Haia be se aha aau e maanadu bolo e danuaa.” Aagai tangada haimeedabu ga hai ange, “Gidaadeu ga ssili i mua gi iloo i daho de Maadua.”

Gade chapit la Kopi




1 Samuel 14:36
14 Referans Kwoze  

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!


Tangada haimeedabu gi daohia de iloo mee i ana muna e tala, gai dangada gi gaavee ana muna gi agoago ai, i hiidinga go ia tangada e daalaa muna a Tagi o denga hagabuulinga hebagi.


Hiihidi age, gidaadeu ga hebagi i de boo e oha ai denga hale danuaa!”


Laangi alodahi gai gilaadeu e ssala ngau, e dagodo be gilaadeu e llodo gi iloo e gilaadeu ogu haiava, gai e dagodo be gilaadeu se huaahenua e haia de mee heohi, gai gilaadeu tigi tili donu muna a delaadeu Maadua. Gilaadeu e ssili mai dagodo o ogu hagamodu heohi, e dagodo be gilaadeu e malangilangi i de hagabaa ange o de Maadua.


Aagai au, e danuaa dogu hagabaa ange gi de Maadua; au gu hai de Ia Aamua go Iahweh go dogu buibui, gai au ga tala ai dagodo o au hegau alodahi.


ma Ahijah, tama daane a Ahitub, taina daane o Ichabod, tama daane a Phinehas, tama daane a Eli, tangada haimeedabu o Tagi Maolunga i Shiloh, gai ia e gahu i de ephod. Gai denga daane tee iloo donu bolo Jonathan gu hano.


Gai de laangi huu i ono dua, gai a Saul ga vaevae ono daane hebagi ga hai ai e dolu hagabuulinga. Gai gilaadeu ne hulo gu tae gi de mommee nnoho gaainga o de gau Ammon, i denga aoaa hagaloosi hagaodi, i de baasi gi boo taiao, gai gilaadeu ne daa ga maakau dangada i kilaa, ga dae ai gi de hualaangi de mee. Gai dangada ne ola gu mavaevae saele, gai gu dagidahi donu huu dangada e doe.


Gai de gau Israel ne kave denga goloa alodahi ma manu haangai i denga aduhale laa, aagai ne daa ga maakau dangada alodahi i de gadilaasa, gai gilaadeu tee dugu donu dahi dangada daudahi gi ola.


Aagai goodou ange laa aude nnoho, gai dolohia oodou hagadaumee daia gilaadeu gu too gi muli, gai gi dee dugua ange gilaadeu gi ulu gi lodo olaadeu aduhale, go hiidinga Tagi Maolunga doodou Maadua gu dugu adu donu goodou gi hagadee kii ina gilaadeu.”


Gai ia gi duu i mada i mua o tangada haimeedabu go Eleazar, gai tangada haimeedabu ga hai gi iloo e ia hagatau a Tagi Maolunga i de Urim ma de Thummim. Gai tangada haimeedabu ga tala ange ai gi Joshua ma de hagabuulingaa dangada o Israel alaadeu mee e hai.”


Gai dono bodu go Elkanah ga hai ange gi de ia, “Haia be se aha aau e maanadu bolo e danuaa. Noho daalia ga dae ai gi dono dee unuunu; gai Tagi Maolunga gi hagasula ina dana hagatoo donu.” Gai de hine laa ne noho ga hakaa unuunu dana dama, ga dae ai gi dono dee unuunu.


Swiv nou:

Piblisite


Piblisite