1 Samuel 14:33 - De Beebaa Dabu

³³ Gai hanu ne tala ange gi a Saul, ga hai ange, “Tilo, denga daane gu haisala ange gi Tagi Maolunga i delaadeu gai kano mada iai dodo.” Saul ne hai ange, “Goodou tee hai hegau i de mee abodonu. Hagadigelia mai dahi hadu laumalie gi kinei.”

1 Samuel 14:33 Referans Kwoze

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

Matthew 7:5

Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Leviticus 7:26

Goodou e dee alaange donu i de gai dodo o dahi manu lele aabe se manu dolodolo, i mommee alodahi oodou e nnoho ai.

Leviticus 7:27

Gai be goai e gaina dodo, gai ia e vvae gee donu mai i daho ono dangada.’ ”

Leviticus 17:10

Noo dahi dangada Israel be se dangada henua gee i oodou magavaa e gai kano manu iai dodo — gai au e hai baasi ange donu gi tangada e gaina kano iai dodo, ga vvae gee ia mai i daho ono dangada.

Leviticus 19:26

Goodou e dee gai kano manu iai dodo. Goodou e dee hai buubuu e tala i mee e dee iloo, aabe e hai denga huuhuaa mee.

Deuteronomy 12:16

Goodou e dee gai donu dodo; gai liingia gi honga de gelegele bei vai.

Deuteronomy 12:23

Aagai goodou dagidiiloo gi dee gaina e goodou kano manu iai dodo, i hiidinga todo go de mouli, gai goodou e dee gai de mouli madali denga kano.

Deuteronomy 15:23

Aagai goodou e dee gai dodo, gai liingia gi honga de gelegele bei denga vai.

1 Samuel 14:34

Gai a Saul ga hai ange, “Goodou hulo gi daho dangada hai ange gi gilaadeu, ‘Dahi ma dahi gi gaamai dana kaau aabe se ssiibi, ga daa ga gai i kinei. Goodou gi dee haisala ange gi Tagi Maolunga, i doodou gai kano iai dodo.’ ” Gai dangada alodahi ne gaamai alaadeu kaau ga daa i kilaa i de boo laa.

Genesis 9:4

Aagai goodou e dee gai donu kano iai de mouli, e bei go kano go iai ono dodo.