1 Samuel 14:23 - De Beebaa Dabu

²³ De laangi laa gai Tagi Maolunga ne hagaola de gau Israel; gai de hebagi ne hano loo ga ui i Beth Aven.

1 Samuel 14:23 Referans Kwoze

Exodus 14:30

De laangi laa gai Tagi Maolunga ne hagaola de gau Israel mai i de gau Egypt. Gai de gau Israel ne gidee e gilaadeu angaanga maakau o de gau Egypt i honga de gelegele o de vai laa.

1 Samuel 13:5

Gai de gau Philistia ne hebagi ange gi Israel, se dolusemada olaadeu hada hebagi, e onomano daane e saavini i denga hoosa, gai olaadeu hagabuulinga hebagi e soa mmao bei de lagolago o denga gelegele i gabugabu tai. Gai gilaadeu ne hulo ga hagaduu delaadeu mommee nnoho i Mikmash, i baasi i dua o Beth Aven.

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

2 Kings 14:27

Aagai go hiidinga Tagi Maolunga tee hagadaba bolo ia ga hai gi lilo de ingoo o Israel i lalo de langi, gai ia ne hai Jeroboam tama daane a Jehoash gi hagaola ina gilaadeu.

Judges 2:18

Gai de masavaa a Tagi Maolunga ne gaamai ai de gau hagamodu muna gi olaadeu daha, gai ia ne noho madali de gau hagamodu muna laa, aama de hagaola gilaadeu mai i lalo olaadeu hagadaumee alodahi, i de masavaa o tangada hagamodu muna laa e mouli ai. Gai Tagi Maolunga ne aloha i gilaadeu i delaadeu tangi i hiidinga delaadeu vaivai haia aama de hagaduasala ina.

Joshua 7:2

Gai Joshua ne hai hanu daane gi loomai i Jericho gi hulo gi Ai, se aduhale e baa ange gi Beth Aven i baasi dua o Bethel. Ia ne tala ange gi gilaadeu, ga hai ange, “Goodou hulo mulidagi ina de henua.” Gai denga daane laa ne hulo ga mulidagi Ai.

1 Samuel 10:19

Aagai anailaa nei gai goodou gu tili doodou Maadua, go de ia ne hagaola ina goodou mai i oodou hagaduasala ma hai ngadaa alodahi. Gai goodou e hagataba, ‘E deai, gai haia dahi gi hodooligi i omaadeu elunga.’ Deenei ai, goodou loomai tuu i mada luu mada o Tagi Maolunga i oodou aamuli ma oodou hagadiilinga.”

1 Chronicles 11:14

Aagai Dodo ne duu donu huu i de mommee laa ga hebagi ai ma de daa ga maakau denga daane Philistia; gai Tagi Maolunga ne hagaola gilaadeu ga hai gu kii de gau Israel.

2 Chronicles 32:22

Gai Tagi Maolunga ne hagaola Hezekiah ma dangada o Jerusalem, mai i de hodooligi o Assyria go Sennacherib, ma mai i denga hagadaumee alodahi, gai ia ne hai gilaadeu gi nnoho paba.

Deuteronomy 20:4

i hiidinga Tagi Maolunga doodou Maadua e hano madali goodou e hebagi ange gi oodou hagadaumee ma de hai gi kii goodou.”

1 Samuel 9:16

“Daiao i de masavaa bee nei gai au e hai naa gi humai gi oo daha dahi daane mai i de henua o de aamuli o Benjamin. Gai koe ga hagadabu ai ia i de lolo, gi dagina ogu dangada, go de gau Israel. Gai ia ga hagaola ai ogu dangada mai i de gau Philistia. Au gu gidee dagodo o ogu dangada, go hiidinga gilaadeu gu tangi mai gi de au.”