1 Samuel 14:19 - De Beebaa Dabu

¹⁹ De masavaa o Saul e basa ange ai gi tangada haimeedabu, gai gu kona de hellumi denga daane hebagi o Philistia i de mommee nnoho gaainga. Gai a Saul ga hai ange gi tangada haimeedabu, “Gu deai se masavaa e dalodalo ai.”

1 Samuel 14:19 Referans Kwoze

1 Samuel 14:24

Gai denga daane o Israel gu hiikai mmao i de laangi laa; i hiidinga a Saul ne hai gilaadeu gi hagatoo donu gi hagataba, “E malaia tangada e gaina hanu gai ga dae ai gi de ahiahi, aama mua taadeu hagadee kii odaadeu hagadaumee.” Deelaa ai, teai donu se dangada daudahi ne mamia ange hanu gai.

Numbers 27:21

Gai ia gi duu i mada i mua o tangada haimeedabu go Eleazar, gai tangada haimeedabu ga hai gi iloo e ia hagatau a Tagi Maolunga i de Urim ma de Thummim. Gai tangada haimeedabu ga tala ange ai gi Joshua ma de hagabuulingaa dangada o Israel alaadeu mee e hai.”

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Psalm 106:13

Aagai ne moolau delaadeu ngalo ana hegau; gilaadeu tee tali gi iloo e gilaadeu ana hagatau.

1 Samuel 13:11

Gai Samuel ga ssili ange, “Se hegau bee hee aau gu hai naa?” Gai a Saul ga hai ange, “Au ne gidee bolo denga daane gu daamada de mavaevae e hulo gee mai i ogu daha, gai koe tee humai i de masavaa gu hagailonga, aagai de gau Philistia gu hagabuni hogi i Mikmash.

Joshua 9:14

Gai denga daane Israel ne kave hanu alaadeu gai, aagai gilaadeu tee ssili gi iloo e gilaadeu lodo o Tagi Maolunga.

1 Samuel 14:20

Gai a Saul ma denga daane hebagi alodahi madali ia ne hagamoolau ga hulo e hebagi; gai gilaadeu gu gidee bolo denga daane Philistia gu hagadau daa donu huu gilaadeu, gilaadeu gu ssenga ange.

1 Samuel 30:7

Gai David ga hai ange gi tangada haimeedabu go Abiathar, tama daane a Ahimelek, “Gaamai de ephod gi ogu daha i kinei.” Gai Abiathar ga gaamai de ephod laa gi de ia.