1 Samuel 13:13 - De Beebaa Dabu

¹³ Gai Samuel ga hai ange gi a Saul, “Ga kona mmao doo lodo senga; koe tee daohi muna a Tagi Maolunga doo Maadua gu tala adu gi de goe. Noo koe ne daudali ai, gai Tagi Maolunga ne hai doo nohoanga hodooligi gi dagodo i Israel ga hano ai.

1 Samuel 13:13 Referans Kwoze

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

1 Samuel 15:28

Gai Samuel ne hai ange gi a Saul, “Tagi Maolunga gu ssae de nohoanga hodooligi o Israel mai i oo daha anailaa nei, ma gu gaavange gi dahi dangada e baa adu gi de goe — se dangada e danuaa ange i de goe.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

1 Kings 18:18

Elijah ne hai ange, “E dee go au e hagahai ngadaa ina de gau Israel, gai go koe, ma de huaabodu o doo damana, go hiidinga goodou gu tili hainga a Tagi Maolunga, gai gu daudali ange i denga Baal.

Proverbs 19:3

Tangada lodo senga e oha dono mouli, gai ono lodo e hagabaubau Tagi Maolunga.

De Beebaa go Job 34:18

Gai go ia e hai ange gi dahi hodooligi, ‘Koe e deai donu oo haigamaiana,’ gai e hai ange gi de gau aamua, ‘Goodou ni dangada baubau.’

2 Chronicles 19:2

Gai Jehu, taane e daalaa mee e loomai, tama daane a Hanani, ne humai ga hedae ange gi de ia, ga hai ange, “Gu aha goe gu hano ai e bale ange de gau baubau, ma de aloha ange gi gilaadeu e kino i Tagi Maolunga? Go hiidinga koe ne hai de mee nei, Tagi Maolunga e lili naa ga hai baasi adu gi de goe.

1 Samuel 1:22

Aagai Hannah tee hano madali gilaadeu, gai ia ne hai ange gi dono bodu, “De masavaa naa huu o tamaa gauligi e dee unuunu ai, gai au ga kave ia gi mada luu mada o Tagi Maolunga, gai ia ga noho i kilaa ga hano ai.”

1 Samuel 13:12

Gai au ga maanadu age, ‘De gau Philistia e loomai naa ga hebagi mai gi de au i Gilgal, gai au tigi dangidangi ange gi Tagi Maolunga gi balea mai au.’ Gai au ga hagammahi ga hanage ga hai ssigidaumaha dudu.”

1 Samuel 16:1

Gai Tagi Maolunga ga hai ange gi Samuel, “Dee hee maa taulooloa doo hinangalosaa i a Saul, gai au gu kino i de hai ia gi hodooligi i Israel? Haaoa dau hanga manu i lolo hannoo ai; au e hai goe gi hano gi de hale o Jesse, taane Bethlehem; go hiidinga au gu hili dahi ana dama daane gi hodooligi.”

2 Samuel 24:10

Aagai David gu donu iho bolo ia gu haisala i dana hai gi daulia taelodo o dangada. Gai ia ne hai ange gi Tagi Maolunga, “Au gu haisala mmao i dagu hai de hegau nei. Aagai iainei, Tagi Maolunga, au e dangidangi adu, degi mai gi de au, doo dangada hai hegau; go hiidinga au ne lodo senga.”

1 Chronicles 10:13

Gai a Saul ne magau i hiidinga ia tee hai hegau i de muna abodonu ange gi Tagi Maolunga; ia tee daohi muna a Tagi Maolunga, aagai ia ne hano ga ssala de bale mai i daho dahi hahine hai huuhuaa mee,

Isaiah 39:5

Gai Isaiah ga hai ange gi Hezekiah, “Noho mai hagalaangona muna a Tagi o denga hagabuulinga hebagi:

Jeremiah 18:10

gai noo de huaahenua laa e hai de baubau i mada luoogu mada, ma tee hagallongo mai, gai au e sui naa ogu lodo ga dee hai tanuaa aagu gu baba ange laa e hai.

Genesis 31:28

Gai koe tee dugu mai hogi gi maua e au i de oso ogu mogobuna ma luaagu damaa hine e hagaboo ai gimaadeu. Koe ne hai hegau be se dangada lodo senga.

1 Samuel 26:21

Gai a Saul ga hai ange, “Au gu haisala. David dagu dama, ahe mai. Au gu dee ahe ange naa donu e vaivai hai goe, go hiidinga koe ne hagamogomogo dogu mouli anailaa nei. Tilo, au e iloo bolo au gu hai hegau bei tangada lodo senga, ma de kona mmao dogu haisala.”

Proverbs 12:8

Dangada e tuhi tangada maanetonu, aagai dangada e kino i tangada maanadu baubau.