1 Samuel 13:12 - De Beebaa Dabu

¹² Gai au ga maanadu age, ‘De gau Philistia e loomai naa ga hebagi mai gi de au i Gilgal, gai au tigi dangidangi ange gi Tagi Maolunga gi balea mai au.’ Gai au ga hagammahi ga hanage ga hai ssigidaumaha dudu.”

1 Samuel 13:12 Referans Kwoze

2 Corinthians 9:7

Gai dahi ma dahi gi gaavange dana mee gu baba age laa e gaavange, ia gi dee lodo lagolago ange aagena, aabe gi haia i hiidinga ia gu haia gi de mahi, go hiidinga de Maadua e lodo mmao i tangada e malangilangi laa i de ngadi gaavange mee.

Amos 8:5

ma de hagataba, “Go aahee naa e lava ai taonga o de duu de maasina i dai, gai gimaadeu ga hulo e hagao gi daha amaadeu grain? Gai go aahee naa e ui ai Sabbath, gai gimaadeu ga hulo e hagao gi daha amaadeu wheat? Gimaadeu e hai naa gi kii mai ange de hagabaaunga o de ephah gai ga ue age de hagaoanga, ma de hagasenga dangada i demaadeu hai e hagahidi mee.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

1 Samuel 21:7

Gai e dahi daane hai hegau o Saul e noho i kilaa, i de laangi laa, go hiidinga ia gu daohi gi noho i mada luu mada o Tagi Maolunga. Ia se daane Edom, gai dono ingoo go Doeg, gai go tagi o dangada e hagaloosi ina manu a Saul.

1 Samuel 13:11

Gai Samuel ga ssili ange, “Se hegau bee hee aau gu hai naa?” Gai a Saul ga hai ange, “Au ne gidee bolo denga daane gu daamada de mavaevae e hulo gee mai i ogu daha, gai koe tee humai i de masavaa gu hagailonga, aagai de gau Philistia gu hagabuni hogi i Mikmash.

1 Samuel 13:13

Gai Samuel ga hai ange gi a Saul, “Ga kona mmao doo lodo senga; koe tee daohi muna a Tagi Maolunga doo Maadua gu tala adu gi de goe. Noo koe ne daudali ai, gai Tagi Maolunga ne hai doo nohoanga hodooligi gi dagodo i Israel ga hano ai.

1 Samuel 15:12

Gai Samuel ne oho age i taiao ga hano e hedae ange gi a Saul, gai hanu ne hai ange gi Samuel, “Saul gu hano gi Carmel, gai tilo, ia gu hagaduu dahi mee e hagamaanadu ai ia, gai ia gu hano gi Gilgal.”

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.