1 Samuel 12:23 - De Beebaa Dabu

²³ Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

1 Samuel 12:23 Referans Kwoze

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,

2 Timothy 1:3

Au e hagaahe ange de abodonu gi de Maadua, de ia oogu e daumaha ange aagena i tagi o ogu lodo i de muna abodonu, bei ogu dubuna madagidagi, i dagu masavaa e maanadu ai goe i agu dalodalo i de boo ma de laangi.

1 Thessalonians 3:10

Gai gimaadeu e hagaduu ngae e dalodalo i de laangi ma de boo gi maua e gidaadeu i de hedae ange, gai gimaadeu ga hagadohu ai mee tigi dohu i oodou kai.

1 Kings 8:36

gai koe hagalaangona alaadeu dalodalo mai i de langi, ga degi ange gi haisala o oo dangada hai hegau go de gau Israel. Gai koe ga agoago ange gilaadeu i de haiava danuaa olaadeu e seesee ai, gai koe ga hai gi pala iho de langi gi honga doo henua, aau gu gaavange laa e henua ai oo dangada.

Acts 12:5

Deelaa ai, Peter gu hhao gi lo te hale pono, gai de nohoanga dabu ne hagammahi ga dalodalo ange gi de Maadua i ono hiidinga.

Psalm 34:11

Agu dama, loomai hagalaangona agu muna; gai au ga agoago adu goodou i de madagu i Tagi Maolunga.

Jeremiah 6:16

E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’

2 Chronicles 6:27

gai koe hagalaangona alaadeu dalodalo mai i de langi, ga degi ange gi haisala o oo dangada hai hegau go de gau Israel. Gai koe ga agoago ange gilaadeu i de haiava danuaa olaadeu e seesee ai, gai koe ga hai gi pala iho de langi gi honga doo henua, aau ne gaavange laa e henua ai oo dangada.

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

Acts 20:20

Gai au tee hagammuni donu dahi mee, gai ne agoago adu goodou i mee e haigamaiana adu gi goodou, ma de agoago adu goodou i de mommee iai dangada soa aama oodou hale,

Ecclesiastes 12:10

Tangada Agoago ne ssala gi gidee denga muna e danuaa ma de heohi, gai ana mee ne sisi ni muna abodonu gai e heohi.

Proverbs 4:11

Au gu agoago adu goe i de heiangi, gai ne dagi goe i denga haiava heohi.

1 Corinthians 9:16

Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa!

Exodus 32:30

De laangi i ono dua, gai Moses ga hai ange gi dangada, “Goodou gu hai dahi baubau laumalie mmao. Gai au ga hanage nei gi daho Tagi Maolunga e tilo be au e maua i de tala oodou haisala.”

1 Samuel 12:19

Gai dangada alodahi ga hai ange gi Samuel, “Dalodalo ange gi Tagi Maolunga doo Maadua, i hiidinga oo dangada hai hegau, gi dee maakau ai gimaadeu; go hiidinga gimaadeu gu hai ma gu kii ange de lagolago omaadeu haisala, i demaadeu dangidangi i dahi hodooligi.”

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 27:18

Noo gilaadeu ni pelaabisi abodonu, gai noo muna a Tagi Maolunga e daakodo i olaadeu daha, gai gilaadeu gi dangidangi ange gi Tagi o denga hagabuulinga hebagi gi dee gaavee ai gi Babylon goloa e doe i de hale o Tagi Maolunga, ma de hale o de hodooligi o Judah aama Jerusalem.

Jeremiah 42:4

Gai Jeremiah de pelaabisi ga hai ange gi gilaadeu, “Au gu langona oodou muna. Tilo, au e dalodalo ange naa gi Tagi Maolunga doodou Maadua bei oodou muna. Gai be aahee naa huu muna a Tagi Maolunga e basa adu ai gi goodou, gai au ga tala adu gi goodou. Au e dee hagammuni naa donu dahi muna daudahi i goodou.”

1 Samuel 8:6

Aagai Samuel tee malangilangi i delaadeu hai ange, “Gaamai dahi hodooligi gi dagina gimaadeu.” Gai Samuel ga dalodalo ange gi Tagi Maolunga.

Psalm 34:12

Goai tangada e lodo i de mouli ma de lodo mmao gi mouli ia i laangi lagolago, ma de gidee mee danuaa?

Psalm 122:6

Dalodalo gi dagodo de noho baba i Jerusalem: “Dangada e aaloha i de goe gi nnoho paba.

Isaiah 30:21

Gai noo goodou e taa gi de madau aabe e taa gi de masui, gai goodou e langona naa dahi leo i oodou dua e hai adu, “Deenei de haiava, goodou seesee ai.”