1 Samuel 10:26 - De Beebaa Dabu

²⁶ Saul ne ahe hogi gi dono hale i Gibeah, gai denga daane dau i de hebagi a de Maadua gu hagangaalue laa olaadeu lodo ne hulo madali ia.

1 Samuel 10:26 Referans Kwoze

1 Samuel 11:4

De masavaa huu o de gau hagailoo ne tae ai gi Gibeah o Saul, ga tala ange gi dangada dagodo o mee laa, gai dangada alodahi ga oo ga tangi.

1 Samuel 15:34

Gai Samuel ga ahe ga hano gi Ramah; gai a Saul ne ahe gi dono hale i Gibeah o Saul.

Joshua 18:28

ma Zelah, ma Haeleph, ma Jebus (e bei go Jerusalem), ma Gibeah, aama Kiriath Jearim — e madaangahulu ma haa aduhale nnui nei madali olaadeu aduhale vaaligiligi. Deenei de vaaenga ne bolo ange gi denga hagadiilinga i de aamuli o Benjamin.

Acts 13:48

Gai ga langona huu e denga Gentile muna nei, gai gilaadeu gu malangilangi ma de tuhi muna a Tagi Maolunga; gai alodahi gu hagamodu ange gi de mouli e dee ngado mai gu hagadonusia.

Acts 7:10

ga hagaola ia mai i ono hai ngadaa alodahi, ma de gaavange de abodonu ma de heiangi i mada i mua o de hodooligi o Egypt go Pharaoh, gai de hodooligi ne hai ia go de goobenaa o Egypt alodahi aama de huahua i mee i dono hale alodahi.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

2 Samuel 21:6

gai gaamai e dogohidu daane mai i dono hagadiilinga, gai gimaadeu ga daa gilaadeu gi maakau e daudau age i denga manu i mada luu mada o Tagi Maolunga i Gibeah o Saul, de ia a Tagi Maolunga ne hili.” Gai de hodooligi ga hai ange, “Au e gaavadu donu gilaadeu gi goodou.”

Judges 20:14

Gai de aamuli o Benjamin ga hagabuni i denga aduhale ange laa, ga loomai gi Gibeah e hebagi ange gi de gau Israel.

Ezra 1:5

Gai denga dagi o de aamuli o Judah, ma de aamuli o Benjamin, ma de gau haimeedabu, ma de aamuli o Levi, aama dangada alodahi a de Maadua gu hagangaalue laa olaadeu lodo, ga hagadabena e hulo e hagaahe age de hale o Tagi Maolunga i Jerusalem.

1 Samuel 13:2

A Saul ne hili e dolumano daane Israel; e luamano ne nnoho madali ia i Mikmash ma de mommee iai mounga i Bethel, gai e mano daane ne nnoho madali Jonathan i Gibeah o Benjamin. Gai ia ne hai denga daane ange laa gi aahe gi olaadeu hale.

Isaiah 10:29

Gilaadeu gu hulo laa lo te mommee gelo, gilaadeu e nnoho naa i Geba i de boo. Ramah gu bolebole, Gibeah o Saul gu savini ma gu hano.