1 Samuel 10:22 - De Beebaa Dabu

²² Gai gilaadeu ga ssili ange gi Tagi Maolunga, “Gu humai nei taane laa gi kinei?” Gai Tagi Maolunga ga hai ange, “Goodou hulo diiloo, ia e mmuni i magavaa denga beagi goloa.”

1 Samuel 10:22 Referans Kwoze

Judges 20:18

Gai denga daane o Israel ne loage ga hulo gi Bethel, ga ssili gi iloo i daho de Maadua, be goai gilaadeu e hulo i mua e hebagi ange gi de aamuli o Benjamin. Gai Tagi Maolunga ne hai ange, “Go de aamuli o Judah e hulo i mua.”

Numbers 27:21

Gai ia gi duu i mada i mua o tangada haimeedabu go Eleazar, gai tangada haimeedabu ga hai gi iloo e ia hagatau a Tagi Maolunga i de Urim ma de Thummim. Gai tangada haimeedabu ga tala ange ai gi Joshua ma de hagabuulingaa dangada o Israel alaadeu mee e hai.”

Luke 14:11

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

1 Samuel 15:17

Gai Samuel ne hai ange, “E dee galemu donu koe ne maanadu bolo koe se dangada e dee dau, aagai iainei koe gu hai go tagi o denga aamuli o Israel. Gai Tagi Maolunga gu hagadabu goe i de lolo gi hodooligi i Israel.

1 Samuel 9:21

Gai a Saul ga hai ange, “E aha, au e dee se dangada de aamuli o Benjamin, go de aamuli hugadoo damaa mee i Israel? Gai e aha, e dee go dogu hagadiilinga hugadoo e sogoisi ono dangada i hagadiilinga o Benjamin? Gai gu aha gu basa mai ai naa goe bee naa gi de au?”

Judges 20:28

gai go Phinehas, tama daane a Eleazar, de mogobuna o Aaron, e haia hegau i mada i mua o de ngavesi laa.) Gai gilaadeu ne ssili ange, “Ga aahe gimaadeu e hebagi ange gi omaadeu daina, go de aamuli o Benjamin be deai?” Gai Tagi Maolunga ne hai ange, “Goodou hulo, gai au e dugu adu naa goodou gi hagadee kii ina gilaadeu daiao.”

Judges 20:23

Gai de gau Israel ga loage ga tangi i mada luu mada o Tagi Maolunga ga dae ai gi de ahiahi. Gai gilaadeu ne ssili ange hogi gi Tagi Maolunga, ga hai ange, “Ga aahe gimaadeu e hebagi ange gi omaadeu daina i de aamuli o Benjamin?” Gai Tagi Maolunga ga hai ange, “Goodou hulo hebagi ange gi gilaadeu.”

Judges 1:1

Dua huu de magau o Joshua, gai de gau Israel ga ssili ange gi Tagi Maolunga, “Goai i omaadeu magavaa e hanage i mua e hebagi ange gi de gau Canaan?”

Genesis 25:22

Gai luu dama i lo tono dinae ne hagadau usu, gai ia ga hagadaba, “Gu aha gu dagodo ai nei au bee nei?” Gai ia ne hano ga ssili ange gi Tagi Maolunga.

1 Samuel 10:21

Gai ia ga hai gi loomai denga hagadiilinga alodahi i de aamuli o Benjamin, gai de hagadiilinga o Matri gu daangia. Gai ia ga hai gi loomai denga daane alodahi i de hagadiilinga o Matri, gai a Saul tama daane a Kish gu daangia. Aagai dangada ne ssala a Saul, gai gilaadeu tee gidee ia.

1 Samuel 14:37

Gai a Saul ne ssili ange gi de Maadua, “Ga hano au e hebagi ange gi de gau Philistia? Koe e dugu ange naa de gau Israel gi hagadee kii ina gilaadeu?” Gai de Maadua tee basa ange gi de ia i de laangi laa.

1 Samuel 22:10

Gai Ahimelek ne dalodalo ange gi Tagi Maolunga i ono hiidinga, ma de gaavange gi de ia hanu gai aama de gadilaasa a Goliath, taane Philistia.”

1 Samuel 23:9

Gai David gu iloo bolo a Saul gu hagadabena e hebagi ange ai gi de ia. Gai ia ga hai ange gi Abiathar, tangada haimeedabu, “Gaamai de ephod gi kinei.”

1 Samuel 30:7

Gai David ga hai ange gi tangada haimeedabu go Abiathar, tama daane a Ahimelek, “Gaamai de ephod gi ogu daha i kinei.” Gai Abiathar ga gaamai de ephod laa gi de ia.

1 Samuel 30:8

Gai David ga ssili ange gi Tagi Maolunga, “Ga hano au e doolohi gi daea de hagabuulinga gaiaa laa?” Gai ia ga hai ange, “Hannoo dolohia gilaadeu, gai koe e daea adu naa donu gilaadeu ga hagaola dangada.”

2 Samuel 2:1

Dua mee nei gai David ne ssili ange gi Tagi Maolunga, “E danuaa dogu hano e noho i dahi aduhale o Judah?” Tagi Maolunga ne hai ange gi de ia, “Hannoo.” Gai David ne ssili ange, “Gai go hee oogu e hano aagena?” Tagi Maolunga ne hai ange, “Hannoo gi Hebron.”

2 Samuel 21:1

De masavaa o David e hodooligi ai, gai ne duudagi de hai de onge i honga de henua i e dolu ngadau. Gai David ne ssili ange gi Tagi Maolunga dagodo o de onge. Gai Tagi Maolunga ne hai ange, “De onge nei ne hai i hiidinga o Saul ma dono huaabodu daa dangada; go hiidinga gilaadeu ne daa ga maakau de gau Gibeon.”