1 Samuel 10:11 - De Beebaa Dabu

¹¹ Gai ga gidee huu e dangada alodahi e iloo laa e gilaadeu a Saul dono basa pelaabisi madali denga pelaabisi laa, gai gilaadeu ga hagadau ssili i olaadeu magavaa, ga hagataba, “Gu aha nei tama daane a Kish? Ia gu dau nei hogi madali denga pelaabisi?”

1 Samuel 10:11 Referans Kwoze

John 7:15

Gai de gau Ssuu gu llele mouli ga hagataba, “Go hee a taane nei ne ago ai nei mee nei, gai ia tee hano i dahi sukulu?”

1 Samuel 19:24

Gai ia ga hagaui hogi ono malo laa daha, gai ia ga basa pelaabisi i mada i mua o Samuel, ma de dagodo i kilaa i de laangi laa aama de boo laa. Deelaa ai, dangada ne hagataba, “A Saul gu dau nei hogi madali denga pelaabisi?”

Acts 9:21

Gai gilaadeu alodahi ne langona laa ana muna gu llele mouli ga ssili, “E dee deenei taane nogo vaivai haia laa dangada e hagahia de ingoo o Iesu i Jerusalem? Gai ia tee humai nei hogi gi kinei e noonooa ai dangada, e kave gi dagi o de gau haimeedabu?”

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 3:10

gai gilaadeu ne madea bolo ia go taane nogo noho laa ma e dangidangi i mee ngadi gaavange i de haitoga o de temple e hagaingoo ange laa go de Haitoga Mahamaha. Gai gilaadeu gu llele mouli ma de maatagu i mee gu hai ange laa gi de ia.

Amos 7:14

Gai Amos ga hai ange gi Amaziah, “Au e dee se pelaabisi aabe se dama ni dahi pelaabisi, aagai au se dangada hagaloosi manu, gai se dangada hogi e diiloo ange hua o denga sycamore,

Amos 7:15

gai Tagi Maolunga ne kave gee au gi dee diiloo ange denga ssiibi, gai Tagi Maolunga ne hai mai gi de au, ‘Hannoo basa pelaabisi ange gi de gau Israel.’