1 Samuel 1:9 - De Beebaa Dabu

⁹ Dahi laangi i dua de lava delaadeu gaimee i Shiloh, gai Hannah ga hidi age ga hano. Gai Eli, tangada haimeedabu, e noho i honga dono seaa i gaogao de haitoga o de temple o Tagi Maolunga.

1 Samuel 1:9 Referans Kwoze

1 Samuel 3:3

gai de laama a de Maadua tigi made ai loo, gai Samuel gu dagodo hogi e seni i lo te temple o Tagi Maolunga, go de mommee iai de ngavesi a de Maadua.

Psalm 27:4

E dahi mee aagu e dangidangi ange ai gi Tagi Maolunga, gai deenei dagu mee e ssala: go dogu noho i lo te hale o Tagi Maolunga i taulooloa dogu mouli, e daumada ai de mahamaha o Tagi Maolunga ma de ssili i ono daha i lo tono temple.

Psalm 5:7

Aagai au e ulu naa i doo hale i hiidinga de laumalie doo abodonu, au e huli ange naa gi doo temple dabu ga daumaha.

2 Samuel 7:2

gai David ga hai ange gi de pelaabisi go Nathan, “Tilo, iainei au gu noho i dahi hale e hai i laagau cedar, aagai de ngavesi a de Maadua goi dagodo huu i dahi hale malo.”

1 Samuel 3:15

Gai Samuel ne dagodo iho ai loo ga dae ai gi taiao age; gai ia ga hidi age ga hhuge denga abaaba o de hale o Tagi Maolunga. Gai ia ne madagu i de tala ange gi Eli mee gu hagaago ange laa gi de ia.

Psalm 29:9

De leo o Tagi Maolunga e hai gi haanau denga dia, ma de aau gee lau o manu ssomo i lodo mee muimui. Gai dangada alodahi i lo tono temple gi hagataba, “Ia e mahamaha!”

Exodus 21:6

gai dono dangada aamua gi gaavee ia gi de Maadua, ga hagaduu ia gi baa ange gi de haitoga be go de laagau i de baasi de haitoga o de mommee daumaha; gai dono dangada aamua gi haia de mee sugi laagau gi sugia ai dono dalinga; gai taane laa gu se dangada hai hegau ai loo niiona i taulooloa dono mouli.

1 Samuel 1:10

Gai Hannah ne dalodalo ange gi Tagi Maolunga i de daemaha mmao ono lodo, ma de dangi mmao.

1 Samuel 4:13

De masavaa oona ne dae mai ai gi kilaa, gai Eli e noho i honga dono seaa i gaogao de haiava ma e tilo adu ai, go hiidinga ia gu manavasaa i de ngavesi a de Maadua. Gai de masavaa huu o taane laa ne dae mai ai gi lo te aduhale, ga tala ange ai longo o de hebagi, gai dangada alodahi i de aduhale ga hevaalogi ga tangi.