1 Samuel 1:23 - De Beebaa Dabu

²³ Gai dono bodu go Elkanah ga hai ange gi de ia, “Haia be se aha aau e maanadu bolo e danuaa. Noho daalia ga dae ai gi dono dee unuunu; gai Tagi Maolunga gi hagasula ina dana hagatoo donu.” Gai de hine laa ne noho ga hakaa unuunu dana dama, ga dae ai gi dono dee unuunu.

1 Samuel 1:23 Referans Kwoze

2 Samuel 7:25

Deelaa ai, Tagi Maolunga de Maadua, hagassula ina au muna gu tala i dagodo o doo dangada hai hegau aama dono huaabodu, gai haia gi bei au muna gu tala.

Luke 11:27

De masavaa a Iesu ne tala ai mee laa, gai dahi hahine i magavaa o dangada ne hagaleo laumalie ga hai ange gi de ia, “E manuuia de hine ne hanaua goe ma de hakaa unuunu goe!”

Matthew 24:19

Gai e vakaa naa denga haahine hai tama, ma gilaadeu e haau alaadeu gaagaa i laangi laa.

Isaiah 44:26

go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Psalm 22:9

Aagai go koe ne hagasao ina mai au i de mommee o denga dama; koe ne hai au gi hagadonusia goe i de masavaa oogu e unuunu ai i de gaanuunu o dogu dinana.

1 Samuel 1:17

Aagai Eli ga hai ange, “Hannoo ma de baba oo lodo, gai de Maadua o Israel gi gaavadu dau mee gu dangidangi ange ai gi de ia.”

Numbers 30:12

Aagai noo dono bodu e dee dugu ange, i de masavaa aana e langona ai, gai mee alodahi a de hine laa ne hagatoo donu ai gu dee haigamaiana, go hiidinga dono bodu tee dugua ange ia gi haia; gai Tagi Maolunga e degi ange gi de ia.

1 Samuel 14:36

Gai a Saul ne hai ange, “Gidaadeu ga hulo e hebagi ange gi de gau Philistia aaboo nei, ga gaiaa alaadeu mee ga dae ai gi de sula age de maalama i taiao; gidaadeu e dee dugu donu dahi dangada daudahi gi ola.” Gilaadeu ne hai ange, “Haia be se aha aau e maanadu bolo e danuaa.” Aagai tangada haimeedabu ga hai ange, “Gidaadeu ga ssili i mua gi iloo i daho de Maadua.”

1 Samuel 14:40

Gai ia ga hai ange gi denga daane hebagi o Israel, “Goodou tuu i dahi mommee, gai gimaau ma Jonathan, dagu dama daane, i dahi mommee laa.” Gai gilaadeu ga hai ange gi a Saul, “Haia be se aha aau e tilo bolo e danuaa.”

1 Kings 3:21

Gai de masavaa oogu ne alahage ai i taiao e hakaa unuunu dagu dama, gai au gu gidee bolo ia gu magau. Aagai de masavaa aagu ne galo ange ai ga tilo gi danuaa, gai au gu gidee bolo ia e dee go dagu dama ne haanau.”