1 Peter 5:9 - De Beebaa Dabu

⁹ Goodou hai baasi ange gi de ia ma de tuu gi makaga i de gai, i doodou iloo bolo oodou daina i henua i lalo alodahi e hagaduasala hogi bei oodou dagodo.

1 Peter 5:9 Referans Kwoze

James 4:7

Deenei ai, goodou hagallongo ange gi de Maadua. Hai baasi ange gi de ia hagabaubau, gai ia e savini naa donu ga hano gee mai i goodou.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

1 Peter 2:21

Gai deenei donu doodou mee ne hagahi ange aagena, go hiidinga Klisdo ne hagaduasala hogi i oodou hiidinga, gai ia gu gaavadu ai gi goodou dahi hagaago danuaa, gai goodou ga daudali ange ai i de ia.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

2 Timothy 3:12

Gai dangada alodahi e llodo e haia lodo o de Maadua i daho Klisdo Iesu e vaivai haia naa donu,

Ephesians 6:16

gai e dee go mee nei donu huu, gai goodou hagauda ina hogi de mee hungihungi go de gai, gi maua ai e goodou i de diinei denga dao kaa a de ia baubau laa;

1 Peter 3:14

Aagai e dee galemu naa donu noo goodou gu hagaduasala i doodou hai de mee heohi, gai goodou gu manuuia. Goodou gi dee maatagu i gilaadeu aabe gi manavasaa oodou lodo.

Hebrews 11:33

Go de gai ne haia ga maua e gilaadeu i de hagadee kii denga nohoanga hodooligi, ma de hagamodu muna i de heohi, ma de kave mee gu lava laa i de hagatoo donu; gilaadeu ne pono ngudu o denga laiono,

1 Timothy 6:12

Gai koe gi hagaduu ngae i de hebagi danuaa o de gai. Haia gi maua e goe de kave de mouli e dee ngado mai, go de mee oou gu hagahi ange naa aagena i dau masavaa ne tala hagadonu ai doo gai i madamada o de gau hagadonu soa.

1 Thessalonians 3:3

gi deai ai se goodou e baageaa i hiidinga o denga vaivai haia nei. Gai goodou e iloo bolo denga vaivai haia nei ni mee donu gu hagamodu e hai mai gi gidaadeu.

Ephesians 4:27

gai gi dee dugua ange dahi damaa mommee gi de ia hagabaubau laa.

Revelation 6:11

Gai gu gaavange gi gilaadeu denga malo tea, ma de tala ange gilaadeu gi hagammabu ange i dahi masavaa bodobodo, ga dae ai gi de odi mai olaadeu soa ange laa, gai olaadeu daina ne daia laa ga maakau bei olaadeu dagodo gu odi ange hogi.

1 Peter 4:13

Aagai goodou malangilangi i doodou hagauda de hagaduasala madali Klisdo, gai gi malangilangi ai hogi goodou ma de llodo danuaa i de masavaa oona e hagasula mai ai i dono mahamaha.

1 Peter 1:6

Goodou llodo danuaa i hiidinga o mee nei, e dee galemu donu goodou e hagaduasala iainei, i denga hagadaagangaa hagatale i dahi masavaa bodobodo.

Colossians 2:5

Gai ga dee noho naa donu au i oodou daha iainei i de angaanga, gai au e noho donu i oodou daha i de hagasaalunga, ma de malangilangi i dagu gide doodou lodo mmahi aama doodou tuu ga makaga i oodou kai ange gi Klisdo.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

Hebrews 12:8

Noo goodou e dee haelea (gai dangada alodahi e haelea donu) gai goodou ni dama e deai oodou damana, gai e dee ni dama abodonu.