1 Peter 4:4 - De Beebaa Dabu

⁴ Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

1 Peter 4:4 Referans Kwoze

1 Peter 3:16

gai goodou haia gi gilimalali tagi i oodou lodo, gi dookaa ai gilaadeu e hagabaubau ina oodou hegau danuaa i lodo o Klisdo, i delaadeu hagabaubau goodou.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Jude 1:10

Aagai de gau naa e pasa hagangadi mee i alaadeu mee e dee tonu ange aagena, gilaadeu e bei dagodo o denga manu e deai laa hagasaele, gai e hai donu huu maanadu e loage i olaadeu lodo, gai aalaa donu mee e daia gilaadeu ga maakau.

Acts 13:45

Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.

2 Peter 2:22

Gilaadeu gu bei dagodo o muna heiangi abodonu e hai ange laa: “De gaaduu e ahe ange ga gai ono hagalueia,” gai “De biigi gu lava laa i de gaugau e ahe ange ga dige saele i lo te bela.”

2 Peter 2:12

Aagai de gau bee nei e bei dagodo o denga manu alasala, e dee maua i de hagasaele dahi mee, gai ne haanau mai e daa gi maakau; gilaadeu e pasa hagangadi mee i mee olaadeu e dee tonu ange aagena, gai e daa naa donu gi maakau bei olaadeu dagodo.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Luke 15:13

Dua hanu laangi gai tama gauligi ga hagabudu ana mee alodahi ga hano ai gi dahi henua mmao, gai ia ga hai moumou ana mee i de hai denga dahulinga dee heohi.

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

Matthew 23:25

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hagagilimalali tua o de ubu ma de gumedi, gai ono lodo e honu i de nnoo hagamau mee ma de hai oodou mee e llodo ai.