1 Peter 3:6 - De Beebaa Dabu

⁶ bei de hai a Sarah ne hagallongo ange ai laa gi Abraham, ga hagahi ange tangada aamua gi de ia. Gai goodou ni dama niiana, noo goodou e hai hegau i de mee heohi gai e deai donu se mee oodou e maatagu ai.

1 Peter 3:6 Referans Kwoze

Genesis 18:12

Gai Sarah ga gadagada i ono lodo ga hagadaba, “Au gu madumadua, gai dogu dangada aamua gu madumadua hogi; gai e maua huu e gimaau i de hagahebaa?”

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

Genesis 18:15

Gai Sarah ga hagassee ga hai ange, “E deai, au tee gadagada donu,” go hiidinga ia gu madagu. Aagai ia ga hai ange, “E deai, koe gu gadagada donu.”

Psalm 45:11

gai de hodooligi ga malangilangi i doo mahamaha. Koe gi ino ange gi de ia, i hiidinga go ia doo dangada aamua.

Judges 19:26

Gai de hine laa ne humai i taiao laa ga baguu ange gi ma te haitoga o de hale o taane madumadua laa, go de hale o dono bodu e seni ai laa, ga dagodo i kilaa ga dae ai gi de masavaa ne ao ai de mee.