1 Peter 2:1 - De Beebaa Dabu

¹ Deenei ai, goodou dilia denga maanadu baubau alodahi, ma de hagasenga alodahi, ma de daahanga dangada, ma de magiaa, aama de hai samu alodahi.

1 Peter 2:1 Referans Kwoze

Ephesians 4:31

Goodou dilia de golo age de baubau, ma de bole ma de lili, ma de hagadaumee, ma de hai samu, aama denga hagadaagangaa maanadu baubau alodahi.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

James 4:11

Denga daina, goodou aude hagadau hagabaubau ina goodou. Tangada e hagabaubau ina dono daina aabe e hagamodu ina muna o dono daina, e hai baasi ange donu gi de hainga aama de hagamodu muna o de hainga. Aagai noo koe e hagamodu muna o de hainga, gai koe e dee daudali i de hainga, aagai se dangada e hagamodu ina muna o de hainga.

1 Peter 3:10

Go hiidinga “Tangada e lodo gi mouli ia, ma de gidee denga laangi danuaa, gai ia gi daohia dono alelo i de baubau, gai doo ngudu gi dee daalaa hanu muna hhadu.

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

James 5:9

Denga daina, goodou gi dee nnanu i dahi dangada gee, gi dee hagamodu ai oodou muna. Tilo, tangada hagamodu muna gu duu donu i ma te haitoga.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

1 Timothy 3:11

E bei ai hogi, olaadeu bodu gi ni haahine e hagadubu i daho dangada, gilaadeu gi dee llodo e hai samu, gai gi dee llodo e unu gi ssenga, gai gi hai hegau i de muna abodonu i mee alodahi.

Psalm 34:13

Koe gi daohia doo alelo mai i de baubau, gai doo ngudu gi dee daalaa hanu muna hhadu.

1 Peter 2:22

“Ia tee haisala donu, ia tee tala hogi dahi muna hagasenga i dono ngudu.”

Titus 2:3

Gai e bei ai hogi denga haahine maatua, agoagona ange gilaadeu gi ni haahine dabu i delaadeu hai e hai hegau ai, gilaadeu gi dee hai samu, aabe gi ssenga ange gi de unu uvaini, aagai gilaadeu gi ni haahine e agoagona mee danuaa.

Psalm 32:2

E manuuia tangada a Tagi Maolunga e dee dau ange ono baubau gi de ia, gai ono lodo e deai se muna hagasenga iai.

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Luke 6:42

Gai dee hee dau hai e hai ange ai naa gi doo daina, ‘Dogu daina, humai gai au ga aau mai talaa gainga i lo too ganomada,’ gai koe e dee gidee tuudangaa laagau i lo too ganomada donu? Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Matthew 23:28

Aanei donu oodou dagodo, goodou e tilo danuaa i madamada o dangada, gai oodou lodo e hoohonu i de daahanga dangada ma de baubau.

Matthew 7:5

Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Psalm 37:1

Aude manavasaa oo lodo i hiidinga o dangada e haia de baubau aabe gi lodo gaiaa ange gi gilaadeu e haia mee dee heohi;

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Proverbs 24:1

Aude lodo gaiaa ange gi de gau baubau, aabe gi lodo e hagabuni ange gi gilaadeu;

Proverbs 3:31

Aude lodo gaiaa ange gi tangada alasala, aabe gi ago ange i ana hegau,

Revelation 14:5

Gai e deai donu se hadu muna e gidee i olaadeu daha; gai gilaadeu e gilimalali.

1 Peter 2:16

Goodou mouli bei dagodo o dangada e ilaage, aagai goodou gi dee hagahai hegau ina oodou ilaage gi hagamuunia ai oodou hegau baubau, gai gi mouli bei dagodo o de gau hai hegau o de Maadua.

James 4:5

Goodou e maanadu bolo ni ngadi muna e sisi laa i de Beebaa Dabu, e hai ange, “De Maadua e lodo gaiaa ange mmao i de hagasaalunga aana gu hai laa gi noho i odaadeu lodo”?

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

1 Thessalonians 2:3

Gai demaadeu hagakana ange adu goodou tee hai i de mee e dee heohi, aabe gimaadeu ne hagatale de hagasenga goodou;

1 Corinthians 5:8

Deenei ai, gidaadeu ga hai Taonga Hagasili, gai e dee hai i mee hagahua duai, be go de mee hagahua go de vaivai hai dangada ma de baubau, aagai e hai i pelaoaa e dee hagahua, go de lodo e gilimalali ma de mee abodonu.

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

Luke 11:44

E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”

Isaiah 30:22

Gai goodou e oha naa oodou diinonga gu haoli i selevaa, ma oodou diinonga gu haoli i goolo; gai goodou e tili naa mee nei bei de malo hakino gee e hai ai laa magi haahine, ga hai ange, “Hannoo i kinaa!”

Proverbs 24:19

Aude manavasaa i hiidinga o olaadeu e haia de baubau, aude lodo gaiaa ange gi de gau baubau;

Proverbs 14:30

De baba i lodo o tangada e hai ga mmahi de angaanga, aagai de lodo gaiaa e hai ga pobo ivi o tangada.

De Beebaa go Job 36:13

De gau baubau e daohi de lili i olaadeu lodo; gai gilaadeu e dee dangidangi i de bale, i de masavaa aana e noonooa ai gilaadeu.

Luke 12:1

De masavaa huu ne kona ai de soa dangada ne hagabuni mai, gai gu dee oo dangada, gai ia ga daamada de hai ange gi ana dangada agoago, “Goodou dagidiiloo goodou i mee hagahua a denga Pharisee, go delaadeu daahanga dangada.

Mark 12:15

Aagai Iesu gu iloo e ia alaadeu hegau e daahanga ai dangada, gai ia ga hai ange gi gilaadeu, “Gu aha gu llodo ai naa goodou e hagatale au? Gaamai dahi denarius e tilo au.”

Matthew 24:51

Gai ia e hagaduasala naa donu ia ga hai gi noho madali gilaadeu e daahangadia dangada, go de mommee o de tangi ma de hagaida ai gauvae.

Matthew 15:7

Goodou e daahangadia dangada! E heohi donu muna a Isaiah gu tala ai oodou dagodo, i dana hagadaba,

Isaiah 2:20

De laangi laa gai dangada e tili ange naa olaadeu diinonga selevaa ma diinonga goolo, e daumaha ange laa aagena, gi denga mole ma gimoo llele.

Psalm 73:3

Go hiidinga au ne lodo gaiaa ange gi de gau pasa hagamaolunga, i dagu gidee de hagadagadaga age o de gau baubau.