1 Peter 1:14 - De Beebaa Dabu

¹⁴ Gai goodou gi bei dagodo o denga dama e hagallongo i muna, goodou gi dee ago ange i denga hagadaagangaa lodo baubau nogo daakodo laa i oodou lodo i de masavaa oodou nogo llodo ssenga ai.

1 Peter 1:14 Referans Kwoze

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

1 Thessalonians 4:5

Goodou gi dee hai hegau i denga lodo haisala i oodou lodo bei dagodo o denga Gentile, go dangada e dee iloo e gilaadeu de Maadua.

Romans 6:4

Deenei ai, gidaadeu gu maakau ma gu danu madali ia i taadeu babudaisi, gi bei ai gidaadeu dagodo o Klisdo i dono mouli age mai i de magau i ssauaa o de mahamaha o Tamana, gai gidaadeu ga mouli ai hogi i de mouli hoou.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Ephesians 5:6

Goodou gi dee dugua ange dahi dangada gi hagasengalia goodou i hanu ngadi muna; go hiidinga aanei mee e haia ga humai de bole o de Maadua gi gilaadeu e dee hagallongo ange gi ana muna.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Deuteronomy 27:10

Deenei ai, goodou hagallongo ange gi Tagi Maolunga doodou Maadua, ma de daohi ana hainga ma ana mee gu hagasauaa, go mee aagu gu tala adu gi goodou anailaa nei.”