1 Kings 9:4 - De Beebaa Dabu

⁴ Gai noo koe e daudali mai i de au, i de lodo se muna abodonu ma de heohi, bei dagodo o doo damana go David, ma de hai gi bei mee alodahi aagu e tala adu koe gi haia, ma de daohi agu hainga gu hagasauaa aama agu muna,

1 Kings 9:4 Referans Kwoze

1 Kings 15:5

Go hiidinga David ne hai hegau i de heohi i mada luu mada o Tagi Maolunga; ia tee hagahaisala donu dahi muna daudahi a Tagi Maolunga ne tala ange gi de ia, i taulooloa dono mouli — deelaa donu huu go de hegau aana ne hai ange gi Uriah, taane Heth.

1 Kings 3:14

Gai noo koe e daudali i ogu lodo, ma de daohi agu muna gu hagasauaa, ma agu hainga gu tala adu, bei hegau a doo damana go David, gai au ga hai gi daulooloa doo mouli.”

1 Kings 11:6

Gai Solomon gu hai de baubau i mada luu mada o Tagi Maolunga; ia tee daudali ange i Tagi Maolunga i ono lodo alodahi, bei dagodo o dono damana go David.

1 Kings 11:4

Gai de masavaa huu o Solomon ne madumadua ai, gai denga haahine henua gee laa ga hai ia gi daumaha ange gi denga diinonga ange laa; gai ono lodo gu dee hai hegau ange gi Tagi Maolunga, dono Maadua, i de muna abodonu, bei dagodo o dono damana go David.

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Proverbs 28:18

Tangada e hai hegau i de mee heohi e ola donu, aagai tangada e dee heohi ana hegau, e moolau naa donu dono duu ange gi de hai ngadaa.

Psalm 26:11

Aagai au e seesee i de muna abodonu; hagaola ina mai au ma de abodonu mai gi de au.

1 Kings 14:8

Au ne kave gee de nohoanga hodooligi mai i hagadiilinga o David ga gaavadu gi de goe. Aagai koe tee hai hegau bei dogu dangada hai hegau go David. Ia ne daohi agu hainga, ma de daudali mai i de au i ono lodo alodahi, ma de hai hegau i de heohi i mada luoogu mada;

1 Kings 11:38

Noo koe e daudali i muna alodahi aagu e tala adu gi de goe, ma de seesee i ogu haiava, ma de hai hegau i de heohi i mada luoogu mada, ga daohi agu muna gu hagasauaa, ma agu hainga, bei dagodo o dogu dangada hai hegau go David, gai au e noho naa i oo daha, ma de hai gi deai se lilo doo nohoanga hodooligi, bei dagu hai ne hai ai de nohoanga hodooligi o David, ma de gaavadu gi de goe de nohoanga hodooligi o Israel.

Psalm 26:1

Tagi Maolunga, koe gi daalaa bolo au e heohi, go hiidinga au e seesee i de heohi; au e hagadonu Tagi Maolunga, au e dee lua lodo donu.

Psalm 15:2

Go tangada e dee haisala, gai e hai hegau i de mee heohi, ma de tala de muna abodonu i ono lodo laa.

1 Kings 8:25

Deenei ai, Tagi Maolunga, de Maadua o Israel, koe gi hagassula ina au hagatoo donu ange gi doo dangada hai hegau go David, dogu damana, koe ne hai ange, ‘E deai naa donu se masavaa e deai ai se dangada mai i doo hagadiilinga e hodooligi i honga o Israel, i mada luoogu mada, noo au dama e kana ange e daudali mai i de au bei oo dagodo.’

Deuteronomy 28:1

Gai noo koe e hagallongo ange gi muna a Tagi Maolunga doo Maadua, ma de kana ange ga daudali i ana hainga aagu gu tala adu gi de goe anailaa nei, gai Tagi Maolunga doo Maadua e hai naa goe gi maolunga ange i denga huaahenua alodahi o henua i lalo.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Proverbs 10:9

Tangada e hai hegau laa i de mee abodonu e noho baba, aagai tangada e seesee laa i denga haiava dee heohi e gidee mai naa ono dagodo.

Genesis 20:5

E aha, ia tee hai mai laa bolo de hine nei se daina niiona? Gai de hine nei ne hai mai hogi, ‘Ia go dogu daina daane’? Gai au ne hai de hegau nei i de gilimalali tagi, gai luoogu lima e gilimalali hogi.”

1 Kings 3:3

Gai Solomon ne aloha i Tagi Maolunga, ma de daudali i muna a dono damana go David gu hagasauaa; deelaa donu huu, ia e hai ana sigidaumaha ma de dudu mee maanongi i denga mommee daumaha.

1 Kings 3:6

Gai Solomon ne hai ange, “Koe ne abodonu ange mmao gi dogu damana go David, doo dangada hai hegau, go hiidinga ia ne hai hegau i de muna abodonu i mada luoo mada, ma de heohi aama de lodo se muna abodonu. Gai koe ne duudagi de abodonu ange gi de ia, gai ne gaavange gi dana dama dono nohoanga hodooligi anailaa nei.

1 Kings 6:12

“Aanei dagodo o de temple aau e hagaduu naa: noo koe e daohi agu hainga gu hagasauaa ma de daudali i agu hainga gu hagamodu, ma agu muna gu tala adu ga hai hegau ai, gai au e hagassula naa mee alodahi aagu gu hagatoo donu ange gi doo damana go David.

2 Kings 20:3

“Tagi Maolunga, au e dangidangi adu koe gi manadua bolo au ne hai hegau adu gi de goe i de muna abodonu i ogu lodo alodahi, ma de hai hegau i de heohi i mada luoo mada.” Gai Hezekiah ne kona mmao dono dangi.

Psalm 78:72

Gai David ne tilo ange gilaadeu i de lodo e heohi, ma de dagi gilaadeu i dono lima labagau.

Psalm 101:2

Au e dagitilo naa donu, gi dee haisala ai au; go aahee maa oou e humai ai gi ogu daha? Au e hai hegau naa i de lodo se muna abodonu i dogu hale.

Psalm 128:1

E manuuia gilaadeu alodahi e maatagu i Tagi Maolunga, ma de seesee i ono haiava.

2 Samuel 22:22

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

2 Chronicles 17:4

aagai ia ne ssala de Maadua o dono damana ma de daudali i ana muna, ia tee ago ange i hegau a de gau Israel.

Ezekiel 18:9

Ia e daudali i agu muna gu hagasauaa, ma de kana ange ga daohi agu hagamodu. Tangada bee nei se dangada heohi; ia e mouli naa donu, go de Ia Aamua go Iahweh e hagadaba.