1 Kings 9:1 - De Beebaa Dabu

¹ De masavaa huu a Solomon ne hagalava ai de hale o Tagi Maolunga, ma dono hale donu, aama mee alodahi aana ne lodo e hai,

1 Kings 9:1 Referans Kwoze

2 Chronicles 7:11

De masavaa huu a Solomon ne hagalava ai de hale o Tagi Maolunga, ma dono hale donu, ia gu maua i de hagassula mee alodahi aana ne lodo e hai i lo te hale o Tagi Maolunga, aama lo tono hale donu,

1 Kings 9:19

ma denga aduhale doange alodahi o Solomon, ma aduhale e dugu ai ono hada hebagi ma ana hoosa, ma mommee alodahi aana ne lodo e hagatuu i Jerusalem, ma Lebanon, aama mommee alodahi oona e hodooligi ai.

Ecclesiastes 6:9

E danuaa ange doo malangilangi i au mee e gidee, i doo galo ange gi mee e deai i oo daha. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 2:10

Au ne hai mee alodahi aagu ne gidee ma de lodo ai; Teai donu se mee oogu ne lodo ai aagu tee hai. Gai au ne malangilangi i hegau alodahi aagu ne hai, deenei de hagaoanga o agu hegau alodahi ne hai.

Ecclesiastes 2:4

Au ne hai denga hegau nnui: au ne hagatuu ogu hale, ma de doo agu veelengaa grape.

1 Kings 9:11

gai de hodooligi go Solomon ne gaavange gi Hiram, de hodooligi o Tyre, e madalua aduhale i Galilee, i hiidinga Hiram ne gaavange denga laagau cedar ma laagau cypress aama goolo alodahi o de hodooligi ne lodo ai.

1 Kings 7:51

De masavaa huu a Solomon ne hagalava ai hegau o de hale o Tagi Maolunga, gai ia ga gaamai mee alodahi a dono damana go David gu lava laa i de hagadabu: go selevaa, ma goolo, aama goloa ange laa, ga hhao gi lo te mommee doange i de hale o Tagi Maolunga.

1 Kings 6:37

De haa ngadau huu i de malama go Ziv, gai gu lava tagelo o de hale o Tagi Maolunga.

1 Kings 7:1

Gai ne madaangahulu ma dolu ngadau a Solomon ne hagaduu ai dono hale.

1 Kings 7:2

Ia ne hagaduu dahi hale i Lodo Henua o Lebanon. Gai de looloa o de hale laa se lau sugilima, se madalima sugilima de lahalaha, gai e matolu sugilima tuuduu, gai ne hagaduu ange gi honga e haa hagataaunga duludulu cedar, gai denga ssanga cedar e hagatau i honga denga duludulu laa.

1 Kings 8:66

Gai de hagavalu laangi huu o taonga, gai ia ga hai dangada gi aahe gi olaadeu hale. Gai gilaadeu ga hagamanuuia de hodooligi ga aahe gi olaadeu hale i de malangilangi ma de llodo danuaa, i hiidinga o mee danuaa alodahi a Tagi Maolunga gu hagamanuuia ai dono dangada hai hegau go David, aama ono dangada go de gau Israel.

1 Kings 9:10

Gai ga odi huu de madalua ngadau a Solomon ne hagaduu ai laa de hale o Tagi Maolunga aama dono hale donu,

2 Chronicles 8:6

ma Baalath, ma denga aduhale doange alodahi, ma aduhale alodahi e dugu ai ono hada hebagi ma ana hoosa, ma mommee alodahi aana ne lodo e hagatuu i Jerusalem, ma Lebanon, aama mommee alodahi oona e hodooligi ai.

1 Kings 3:1

Gai Solomon ne hagaheloongoi ma Pharaoh de hodooligi o Egypt, ga hai bodu ange gi tamaa hine a Pharaoh. Gai ia ne gaamai tamaa hine laa gi de aduhale o David, ga dae ai gi de lava dono hale donu ma de hale o Tagi Maolunga, aama de buibui i luu baasi o Jerusalem.

2 Chronicles 7:1

De masavaa huu a Solomon ne hagalava ai dana dalodalo, gai de ahi gu hano iho i de langi ga dudu ssigidaumaha dudu aama denga sigidaumaha ange laa, gai de hale daumaha laa gu honu i de mahamaha o Tagi Maolunga.

2 Chronicles 8:1

Gai ga odi huu de madalua ngadau a Solomon ne hagaduu ai laa de hale o Tagi Maolunga aama dono hale donu,