1 Kings 8:6 - De Beebaa Dabu

⁶ Gai de gau haimeedabu ne gaamai de ngavesi o de hagatoo donu hagaheloongoi a Tagi Maolunga ga dugu i dono duulanga, i lo te aabi e mua gi lodo i de temple, go de Aabi Dabu mmao, i lalo bakau o luu cherubim laa.

1 Kings 8:6 Referans Kwoze

1 Kings 6:27

Gai Solomon ne hagatuu luu cherubim laa i lo te aabi e mua gi lodo o de temple, gai de bakau o dahi cherub e doha ma e duu ange gi de baasi o de aabi laa, gai de bakau o de cherub ange laa e doha ma e duu ange gi de baasi ange laa, gai e dagidahi olaau bakau e hagadau tuu ange i lo te ungaalodo o de aabi.

1 Kings 6:19

Gai ia ne hagadabena de aabi e mua gi lodo, e dugu ai de ngavesi o de hagatoo donu hagaheloongoi a Tagi Maolunga.

2 Samuel 6:17

Gai gilaadeu ne gaamai de ngavesi a Tagi Maolunga ga dugu i honga de mommee gu hagadabena laa, i lo te hale malo a David gu hagaduu laa. Gai David ga hai denga sigidaumaha dudu ma sigidaumaha hagadanuaa magavaa i mada luu mada o Tagi Maolunga.

Ezekiel 10:5

Gai de gabagaba o bakau o denga cherubim laa gu langona i tua de buibui, gai e bei de leo o de Maadua Mmahi Mmao laa i de masavaa oona e basa ai.

Isaiah 37:16

“Tagi o denga hagabuulinga hebagi, de Maadua o Israel e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

Psalm 99:1

Go Tagi Maolunga e hodooligi, denga huaadangada gi bolebole; ia e noho i magavaa luu cherubim; henua i lalo gi ngalungalue.

Psalm 80:1

De Ia Hagaloosi o Israel, hagalaangona amaadeu muna, koe, de ia e dagina Joseph bei de hagabuulingaa ssiibi! go koe, de ia e noho laa i magavaa o luu cherubim, hagaagona mai doo mahamaha.

2 Chronicles 5:7

Gai de gau haimeedabu ne gaamai de ngavesi o de hagatoo donu hagaheloongoi a Tagi Maolunga ga dugu i dono duulanga, i lo te aabi e mua gi lodo i de temple, go de Aabi Dabu mmao, i lalo bakau o luu cherubim laa.

1 Kings 8:4

Gai gilaadeu ne gaamai de ngavesi a Tagi Maolunga, ma de hale malo hagabuni, aama goloa dabu alodahi nogo daakodo laa i ono lodo. Gai de gau haimeedabu ma denga daane de aamuli o Levi ne gaamai mee laa.

2 Samuel 6:2

Gai David ma ono daane alodahi ne hagadabena ga loomai i Baalah o Judah, e gaamai de ngavesi a de Maadua, gu hagadabu ange laa gi de ingoo o Tagi o denga hagabuulinga hebagi, go de ia e noho laa i magavaa luu cherubim.

1 Samuel 4:4

Gai denga daane hebagi ne hai gi hulo gi Shiloh, gi gaamai ai de ngavesi o de hagatoo donu hagaheloongoi a Tagi o denga hagabuulinga hebagi, go de ia e noho laa i magavaa luu cherubim. Gai luu dama daane a Eli, go Hophni ma Phinehas, ne hulo madali de ngavesi o de hagatoo donu hagaheloongoi a de Maadua.

Exodus 37:9

Gai luu cherubim laa gi hagadau huuhuli ange, gai olaau bakau e doha i honga de pono, gai olaau mada gi huuhuli iho gi honga de pono laa.

1 Kings 6:16

Ia ne hai baabaa cedar ga hagaduu ai dahi mommee e madalua sugilima de looloa, i de bido gi tua o de hale, denga baabaa laa e hagatuu age i honga tagelo ga loage ai ga tuu gi denga ssanga, e hai ai dahi aabi e mua gi lodo i lo te hale dabu, go de Aabi Dabu mmao.

1 Kings 8:3

Gai ga tae mai huu denga daane maatua alodahi o Israel, gai de gau haimeedabu ga saabai age de ngavesi laa.

1 Kings 8:7

Luu cherubim laa e doha olaau bakau gi honga de ngavesi laa, ma de haoli ai honga de ngavesi laa ma luu laagau e saabai ai laa.

1 Chronicles 22:19

Gai goodou hagammahi saalaa Tagi Maolunga doodou Maadua i oodou lodo ma oodou hagasaalunga alodahi. Goodou ga daamada de hagaduu de mommee dabu o Tagi Maolunga de Maadua, gi maua ai e goodou i de gaamai de ngavesi o de hagatoo donu hagaheloongoi a Tagi Maolunga ma denga goloa dabu o de Maadua gi lo te temple oodou e hagaduu ange gi de ingoo o Tagi Maolunga.”

Ezekiel 41:4

Ia ne haide hogi de looloa ma de lahalaha o lo te aabi e mua gi lodo, gai se madalua sugilima, gai de lahalaha se madalua sugilima, mai i de bido laa o de aabi e mua gi daha. Gai ia ne hai mai gi de au, “Deenei de Aabi Dabu mmao.”

Psalm 80:2

Hagaagona ange oo mahi gi Ephraim ma Benjamin aama Manasseh; humai hagaola ina gimaadeu.