1 Kings 8:53 - De Beebaa Dabu

⁵³ Gai koe ne hili gilaadeu ga vvae gee mai, i denga huaahenua alodahi o henua i lalo, e hai ai dangada o doo boolonga, bei dau hai gu tala ai laa i daho Moses, doo dangada hai hegau, i de masavaa aau, dogu Ia Aamua go Iahweh, ne hagassao mai ai omaadeu dubuna i Egypt.”

1 Kings 8:53 Referans Kwoze

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Deuteronomy 14:2

Go hiidinga goodou gu hagadabu ange gi Tagi Maolunga doodou Maadua. Gai Tagi Maolunga gu hili goodou mai i denga huaadangada alodahi o henua i lalo, e hai ai dono huaadangada hagamogomogo.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Deuteronomy 4:34

Gai gu dahi laa maadua ne hagataalea de kave dahi huaadangada mai i dahi huaahenua e hai ai ono dangada, i denga hagaduasala, ma hagailonga, ma mee hagalele mouli, ma de hebagi, i dono lima sauaa mmahi, aama denga hegau hagamaatagu, bei hegau a Tagi Maolunga doodou Maadua ne hai adu gi goodou i Egypt, bei doodou hai gu gidee ai laa?

Numbers 23:9

Au ne gidee adu gilaadeu i ulu denga mounga, ma de tilo adu gilaadeu i honga denga duuduu; gilaadeu se huaadangada e nnoho donu huu i gilaadeu, gilaadeu e dee dau ange gi denga huaahenua ange laa!

Exodus 33:16

Gai dee hee ai naa de hai a dangada e iloo ai bolo koe e malangilangi i de au, go gimaadeu ma doo huaadangada? E aha, e dee go doo hano madali gimaadeu e haia ga dagodo gee gimaadeu, go au ma oo dangada, mai i denga huaadangada ange laa i henua i lalo?”

2 Samuel 20:19

Au se hine madali gilaadeu e llodo i de nnoho paba ma de hai hegau i de muna abodonu i Israel; goodou gu loomai e oha dahi aduhale hagamogomogo i Israel. Gai gu aha goodou gu llodo ai naa e oha de boolonga o Tagi Maolunga?”