1 Kings 8:1 - De Beebaa Dabu

¹ Gai Solomon ga hagabuni mai gi ono daha i Jerusalem denga daane maatua o Israel, ma dagi alodahi o denga aamuli, ma dagi o denga huaabodu o de gau Israel, gai gilaadeu ga hulo e gaamai de ngavesi o de hagatoo donu hagaheloongoi a Tagi Maolunga i de aduhale o David, go Zion.

1 Kings 8:1 Referans Kwoze

1 Chronicles 15:25

Gai David ma denga daane maatua aama denga dagi o de mano ne hulo e gaamai de ngavesi o de hagatoo donu hagaheloongoi a Tagi Maolunga i de hale o Obed-Edom i de malangilangi.

1 Peter 2:6

Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Psalm 102:21

Gai gilaadeu ga tala ai de ingoo o Tagi Maolunga i Zion, gai gi duuhia ai ia i Jerusalem,

Psalm 9:11

Daahili duuhia Tagi Maolunga, e noho laa i dono nohoanga i Zion! Daalaa ange gi denga huaadangada dagodo o ana hegau!

Ezra 3:1

Gai de hidu malama huu, gai de gau Israel gu nnoho i olaadeu aduhale donu, gai dangada alodahi ne hagabuni mai gi Jerusalem i de lodo daudahi.

2 Chronicles 30:1

Gai Hezekiah ne aalu dangada alodahi o Israel ma Judah, gai ne sisi hogi hanu leda ga kave gi de aamuli o Ephraim ma de aamuli o Manasseh, ga ssala ange gilaadeu gi loomai gi de hale o Tagi Maolunga i Jerusalem, e hai ai Taonga Hagasili ange gi Tagi Maolunga, de Maadua o Israel.

1 Chronicles 28:1

David ne hagabuni mai gi Jerusalem denga dagi o de henua, ma dagi o denga aamuli, ma dagi o denga hagabuulinga e hai hegau ange laa gi de hodooligi, ma dagi o de mano, ma dagi o de lau daane hebagi, ma denga daane e diiloo ange denga alahenua ma manu haangai a de hodooligi ma ana dama, madali de gau aamua i de hale o de hodooligi, ma denga daane mmahi, aama denga daane dau o de hebagi alodahi.

1 Chronicles 15:29

De masavaa o de ngavesi o de hagatoo donu hagaheloongoi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu ma de malangilangi, gai ia gu kino i de ia.

1 Chronicles 15:3

Gai David ga hagabuni mai de gau Israel alodahi gi Jerusalem, gai gilaadeu ga hulo ai e gaamai de ngavesi a Tagi Maolunga gi de mommee aana gu hagadabena laa.

1 Chronicles 11:7

Gai David ne hano ga noho i de mommee buibui makaga; gai de mommee laa gu hagaingoo ange go de aduhale o David.

1 Kings 3:15

Gai Solomon gu alahage, gai ia gu iloo bolo ia ne midi. Gai ia ga aahe gi Jerusalem, ga duu i de mommee iai de ngavesi o de hagatoo donu hagaheloongoi a de Ia Aamua, ga hai ai denga sigidaumaha dudu ma sigidaumaha hagadanuaa magavaa, aama de hai ange taonga gi ono dangada hai hegau alodahi.

2 Samuel 6:6

De masavaa olaadeu ne tae ai gi de mommee hili huamanu a Nacon, gai Uzzah ga poo de ngavesi a de Maadua, go hiidinga luu kaau laa gu dai baakuu.

Joshua 24:1

Gai Joshua ne hagabuni denga aamuli alodahi o Israel i Shechem. Ia ne hagahi denga dagi, ma de gau hagamodu muna o Israel, aama dagi o de henua, gai gilaadeu ne loomai ga tuu i mada luu mada o de Maadua.

Joshua 23:2

gai ia ga hagahi de gau Israel alodahi, ma olaadeu daane maatua, ma denga dagi, ma de gau hagamodu muna, aama denga dagi o de henua, ga hai ange gi gilaadeu: “Au gu madumadua gai gu lagolago ogu ngadau.

Numbers 1:4

Gai hilia dagidahi daane mai i denga aamuli alodahi madali gooluu, e hai ai dagi o denga huaabodu i denga aamuli.

1 Kings 2:10

Dua mee nei gai David ne magau bei ono dubuna, ga danu i de aduhale o David.