1 Kings 6:1 - De Beebaa Dabu

¹ Gai de 480 ngadau huu i dua de ssao mai o de gau Israel i de henua go Egypt, i de haa ngadau o Solomon ne hodooligi ai i Israel, i de lua malama go Ziv, gai ia ga hagaduu de hale o Tagi Maolunga.

1 Kings 6:1 Referans Kwoze

Acts 7:47

Aagai go Solomon ne hagaduulia de hale o de Maadua.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

1 Chronicles 29:19

Gai gaavange gi dagu dama go Solomon de lodo e daohi au hainga i ono lodo alodahi, ma au tala hagadonu, ma au mee gu hagasauaa, gai ia ga hagaduu ai de hale danuaa aagu gu hagadabena mee e hagaduu ai.”

1 Kings 6:37

De haa ngadau huu i de malama go Ziv, gai gu lava tagelo o de hale o Tagi Maolunga.

Hebrews 11:10

Gai ia ne ssala dahi aduhale e hanu ono dagelo, gai de labagau ma de ia ne hagaduulia go de Maadua.

Hebrews 9:11

Aagai de masavaa o Klisdo ne humai ai ga hai tangada haimeedabu maolunga o mee danuaa gu daakodo laa donu iainei, gai ia ne ulu gi lo te hale malo e maolunga ange ma de heohi abodonu ono dagodo, gai e dee se hale malo ne hai i lima o dangada, e bei, e dee se mee ne hai madali mee o henua i lalo nei.

Colossians 2:7

gai gu hagamakaga oodou aga ma de tuu gi makaga i ono lodo i de gai, bei de hai oodou gu agoago ai, gai gi laumalie ai doodou tuhi ma de hagaahe ange de abodonu.

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

1 Corinthians 6:19

Goodou e dee iloo laa bolo oodou angaanga go de temple donu o de Hagasaalunga Dabu e noho laa i oodou lodo, gai ia ne humai i daho de Maadua? Gai e dee go goodou donu e huahua i goodou;

Zechariah 6:15

Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”

Judges 11:26

Gai ne dolulau ngadau o de gau Israel ne nnoho ai i Heshbon ma ono aduhale vaaligiligi, ma Aroer ma ono aduhale vaaligiligi, aama denga aduhale alodahi i gaogao Arnon. Gu aha goodou tee kave ai laa aduhale laa i de masavaa laa?

Numbers 1:1

Gai Tagi Maolunga ne hai ange gi Moses i de vao o Sinai i lo te hale malo hagabuni, i tahi laangi o de lua malama o de lua ngadau, i dua delaadeu ssao mai i de henua go Egypt.

Acts 13:19

Ia ne daa ga maakau e hidu huaahenua i Canaan, ga gaavange delaadeu henua gi odaadeu dubuna gi henua ai.

1 Kings 6:2

Gai de temple a Solomon ne hagaduu laa moo Tagi Maolunga se madaono sugilima de looloa, e madalua sugilima de lahalaha, gai e matolu sugilima tuuduu.

1 Chronicles 6:10

gai Johanan ne hagadili Azariah (go taane ne haia hegau a tangada haimeedabu i de temple a Solomon ne hagaduu laa i Jerusalem).

Ezra 5:11

Gai aanei alaadeu muna ne tala mai gi gimaadeu: ‘Gimaadeu ni dangada hai hegau niio de Maadua o de langi ma henua i lalo, gai gimaadeu e hagaahe age nei de hale daumaha ne hagaduu laa madagidagi loo, go de hale daumaha a dahi hodooligi maolunga o Israel ne hagaduu ga lava.

Psalm 78:69

Ia ne hagaduu dono hale dabu gi bei de mommee maolunga, gai e bei henua i lalo, aana ne hagaduu laa gi dagodo ga hano ai.

Haggai 1:8

Goodou loage gi denga mounga ga gave iho ai, denga laagau e hagaduu ai dogu hale, e hagamalangilangi ai ma de hagadubu ai au, go Tagi Maolunga e hagadaba.

Exodus 12:41

Gai ga odi ange huu de 430 ngadau, i de laangi mau, gai denga hagabuulingaa dangada o Tagi Maolunga ga hulo gee mai i de henua go Egypt.

Exodus 12:51

Gai deenei donu de laangi a Tagi Maolunga ne hagassao mai ai de gau Israel mai i de henua go Egypt i olaadeu hagabuulingaa dangada.

2 Chronicles 3:3

Aanei haidenga ne gaavange gi Solomon e hagaduu ai de hale o de Maadua: e madaono sugilima de looloa, gai e madalua sugilima de lahalaha (ia ne haide i de haidenga i mua).

Ezekiel 41:1

Gai taane laa ne kave hogi au gi lo te de aabi e mua gi daha, ga haide denga laagau i luu baasi; gai denga laagau laa se dagiono sugilima de llaha.