1 Kings 4:34 - De Beebaa Dabu

³⁴ Gai dangada mai i denga henua ange laa ne loomai e hagallongo de heiangi o Solomon, aama dangada mai i daho denga hodooligi alodahi o henua i lalo, i hiidinga delaadeu langona dagodo o dono heiangi.

1 Kings 4:34 Referans Kwoze

2 Chronicles 9:23

Gai denga hodooligi o henua i lalo alodahi ne loomai gi daho Solomon, e hagallongo ai ana muna e tala i de heiangi a de Maadua gu gaavange gi de ia.

1 Kings 10:1

Gai ga langona huu e de hine hodooligi o Sheba longo o Solomon, ma dagodo o de ingoo o Tagi Maolunga, gai ia ga humai e hagatale ange dono iloo mee i hanu muna ssili hai ngadaa.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

2 Chronicles 9:1

Gai ga langona huu e de hine hodooligi o Sheba dagodo o Solomon, gai ia ga humai gi Jerusalem e hagatale ange dono iloo mee i hanu muna ssili hai ngadaa. Gai ia ne gaamai madali ia hanu dangada soa, ma denga gamelo e hagaudalia denga mee maanongi, ma goolo lagolago aama hadu hagamogomogo. Gai ia ne humai gi daho Solomon ga madaangudu ange gi de ia i mee alodahi aana e maanadu.

1 Kings 4:33

Ia ne tala dagodo o denga manu ssomo, mai de cedar i Lebanon, ga dae ai gi de hyssop e somo laa i magavaa hadu o de buibui. Ia ne tala hogi dagodo o denga manu dolodolo, ma manu llele, ma manu bei labodo, aama denga mamu.