1 Kings 3:7 - De Beebaa Dabu

⁷ Tagi Maolunga dogu Maadua, anailaa nei gai koe gu hai au, doo dangada hai hegau, gi suuia dogu damana go David gi hodooligi ai, gai au se gauligi donu huu; au e dee iloo donu be ni aha aagu e hai.

1 Kings 3:7 Referans Kwoze

1 Chronicles 29:1

Gai de hodooligi go David ga hai ange gi dangada alodahi, “Dagu dama go Solomon, taane a de Maadua gu hili, goi gauligi huu gai tigi madua dana maanadu. Gai de hegau nei se hegau laumalie, go hiidinga de hale danuaa nei e dee se hale niio dahi dangada, gai se mommee e niio Tagi Maolunga de Maadua.

Numbers 27:17

gai ia ga hano ai i olaadeu mada i mua, ma de dagi gilaadeu i mommee alodahi, gai de hagabuulingaa dangada o Tagi Maolunga gu dee bei denga ssiibi e deai laa selaadeu dangada hagaloosi.”

Jeremiah 1:6

Gai au ga hai ange, “Dogu Ia Aamua go Iahweh, au e dee iloo de basa, go hiidinga au se gauligi donu huu.”

John 10:9

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

Daniel 5:21

Gai ia gu hai gi hano gee mai i daho dangada, ana maanadu gu bei maanadu a denga manu dolodolo. Ia gu noho madali denga donkey aada ma de gai helii bei denga kaau, gai dono angaanga gu ssui i de mee suungia o de langi, ga dae ai gi de masavaa aana ne donu iho ai bolo go de Maadua Maolunga Mmao laa e dagina denga nohoanga hodooligi o dangada, ma de hilihili tangada aana e lodo e gaavange aagena.

Daniel 5:18

De hodooligi, de Maadua Maolunga Mmao laa ne gaavange gi doo damana go Nebuchadnezzar dahi nohoanga hodooligi, ma ssauaa e dagi ai, ma de mahamaha aama de hagadubu.

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”

Daniel 4:25

Koe e hano gee mai naa i daho dangada ga noho madali denga manu aada i lodo henua. Koe e gai naa denga helii bei denga kaau, ma de ssui doo angaanga i de mee suungia o de langi, ga dae ai gi de odi ange de hidu ngadau, gai koe gu donu iho, bolo go de Ia Maolunga Mmao laa e dagina nohoanga hodooligi o dangada, ma de dugu ange gi tangada aana e lodo e gaavange aagena.

Daniel 2:21

Ia e sui denga masavaa ma masavaa i lo te ngadau alodahi, ia e tili hanu hodooligi gai ga hagassula hanu. Ia e gaavange de heiangi gi gilaadeu e heiangi, gai de iloo mee gi gilaadeu e tonu ange.

Ecclesiastes 10:16

E vakaa naa de henua noo dono hodooligi se gauligi, gai ono dagi e hai daonga mai i taiao.

Psalm 121:8

Tagi Maolunga e hagaloosi goe i mommee alodahi oou e hano aagena, mai iainei ga hano ai e dee ngado mai.

2 Samuel 5:2

De masavaa o Saul ne hodooligi ai i mua, gai go koe ne dagina Israel i de hebagi. Gai Tagi Maolunga gu hai adu, ‘Koe gi diiloo ange ogu dangada go de gau Israel, gai koe gi hodooligi i honga o Israel.’ ”

1 Samuel 18:16

Aagai de gau Israel alodahi ma dangada o Judah gu kona mmao delaadeu malangilangi i David; go hiidinga ia e dagi saele denga daane hebagi.

Deuteronomy 31:2

ga hai ange gi gilaadeu, “Anailaa nei gai au gu 120 ogu ngadau, au gu dee maua i de dagi goodou. Gai Tagi Maolunga gu hai mai gi de au, ‘Koe e dee hano donu gi de baasi laa o Jordan.’

1 Chronicles 22:5

Gai David ne hagadaba, “Dagu dama daane go Solomon goi gauligi huu, gai tigi madua dana maanadu, gai de hale o Tagi Maolunga aana e hagaduu e hai gi se hale mahamaha mmao, gi langona ai e denga huaahenua alodahi dagodo o de hale nei aama dono mahamaha. Gai au e hagadabena naa mee alodahi e hai ai.” Gai David ne hagadabena denga goloa lagolago mmao i mua dono magau.

1 Chronicles 22:9

Tilo, koe e hagadili naa dahi dama daane; ia e haia gi nnoho paba dangada ma de duadonu. Gai au e hai naa gi mabu ia i de hebagi ange gi hagadaumee alodahi i luu baasi dono henua. Gai ia e hagaingoo ange naa go Solomon. Au e hai naa gi nnoho paba dangada ma de malino honga de henua go Israel i de masavaa oona e hodooligi ai.

Jeremiah 1:7

Aagai Tagi Maolunga ne hai mai gi de au, “Aude hai mai, ‘Au se gauligi donu huu;’ go hiidinga koe e hai naa donu gi hano gi daho dangada alodahi aagu e tala adu koe gi hano gi olaadeu daha, gi daalaa ange muna alodahi aagu e tala adu.

Proverbs 18:12

De hagaodi o de lodo maolunga o tangada go de magau, gai de hagaodi o de lodo maolalo go de hagadubu.