1 Kings 22:16 - De Beebaa Dabu

¹⁶ Aagai de hodooligi ga hai ange gi de ia, “Gu hia naa hanonga aagu ne hai adu ai koe gi daalaa mai donu huu gi de au de muna abodonu i de ingoo o Tagi Maolunga?”

1 Kings 22:16 Referans Kwoze

Acts 19:13

Gai hanu dangada Ssuu e haia laa gi hulo gee denga hagasaalunga baubau ne hagatale de hai gi hulo denga hagasaalunga baubau i de ingoo o Tagi Maolunga go Iesu, ga hai ange, “Gimaadeu e hai adu goodou gi ssao mai i de ingoo o Iesu o Paul e agoago ai laa.”

Mark 5:7

ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!”

Matthew 26:63

Aagai Iesu e dee muu ange donu. Gai tangada haimeedabu maolunga ga hai ange, “Au e hai adu gi de goe i de ingoo o de Maadua e mouli laa, daalaa mai gi gimaadeu be go koe de Klisdo, Tama Daane a de Maadua.”

2 Chronicles 18:15

Aagai de hodooligi ga hai ange gi de ia, “Gu hia naa hanonga aagu ne hai adu ai koe gi daalaa mai donu huu gi de au de muna abodonu i de ingoo o Tagi Maolunga?”

1 Samuel 14:24

Gai denga daane o Israel gu hiikai mmao i de laangi laa; i hiidinga a Saul ne hai gilaadeu gi hagatoo donu gi hagataba, “E malaia tangada e gaina hanu gai ga dae ai gi de ahiahi, aama mua taadeu hagadee kii odaadeu hagadaumee.” Deelaa ai, teai donu se dangada daudahi ne mamia ange hanu gai.

Joshua 6:26

Gai Joshua ne tala hanu muna hagamalaia, ga hagadaba, “Tagi Maolunga gi hagamalaia ina tangada e ahe ange e hagaduulia age de aduhale go Jericho. Dana dama madua e magau naa i de masavaa e hagadagodo ai tagelo; gai dana dama gauligi e magau naa i de masavaa aana e gaavange ai ono haitoga.”

1 Kings 22:15

Gai ga dae mai huu ia gi daho de hodooligi, gai de hodooligi ga ssili ange gi de ia, “Micaiah, e danuaa taadeu hulo e hebagi ange gi Ramoth i Gilead be deai?” Gai Micaiah ga hai ange gi de ia, “Hannoo, gai koe e kii naa donu; Tagi Maolunga e dugu adu naa goe gi hagadee kii ina de aduhale laa.”

1 Kings 22:17

Gai Micaiah ga hai ange, “Au ne gidee de gau Israel alodahi e mavaevae saele i honga denga mounga, bei dagodo o denga ssiibi e deai selaadeu dangada hagaloosi; gai Tagi Maolunga ne hai mai, ‘De gau nei e deai donu selaadeu dagi; haia gilaadeu gi aahe gi olaadeu hale i de baba.’ ”

Jeremiah 37:17

Gai de hodooligi go Zedekiah ga hai hanu gi hulo gi daangia age ia gi gaamai gi ono daha. Gai de hodooligi ne ssili hagammuni ange gi Jeremiah i dono hale, ga hai ange, “Gu hanu naa muna aau ne langona mai i daho Tagi Maolunga?” Gai Jeremiah ne hai ange, “Gu hanu! Koe e boogia naa ga gaavange gi de hodooligi o Babylon.”

Jeremiah 38:14

Gai de hodooligi go Zedekiah ne aalu ga gaamai Jeremiah de pelaabisi gi ono daha i tolu haitoga o de hale o Tagi Maolunga. Gai de hodooligi ga hai ange gi Jeremiah, “Au ga ssili adu nei dahi mee gi de goe, gai koe aude hagamuunia donu dahi mee i de au.”

Numbers 22:38

Gai Balaam ga hai ange gi Balak, “Deenei au gu humai nei ma gu dae mai gi oo daha. Aagai au e deai donu sogu sauaa e tala ai dahi muna daudahi; au e tala donu huu muna a de Maadua e gaamai au gi daalaa.”

Jeremiah 23:28

De pelaabisi gu hai laa dahi midi gi daalaa dana midi, aagai tangada e daohia agu muna gi kana ange gi daalaa agu muna i de heohi. Gai e dee dagodo daudahi donu lau o de grain ma denga hua, go Tagi Maolunga e hagadaba.