1 Kings 22:10 - De Beebaa Dabu

¹⁰ De masavaa laa gai de hodooligi o Israel ma Jehoshaphat, de hodooligi o Judah, e kahu i olaau malo hodooligi ma e nnoho i honga luoolaau nohoanga hodooligi, i de mommee hili huamanu i gaogao de haitoga o de buibui o Samaria; gai denga pelaabisi alodahi e pasa pelaabisi i olaau mada i mua.

1 Kings 22:10 Referans Kwoze

Acts 25:23

De laangi i ono dua, gai Agrippa ma Bernice ne loomai i de hagadubu ma de hagaamua ina, ga ulu i de mommee hagabuni madali denga dagi o de hebagi, aama de gau aamua o de aduhale. Aagai Festus ga aalu gi gaamai a Paul gi kilaa.

Acts 12:21

Gai Herod ne gahu i ono malo hodooligi ga noho ai i honga dono nohoanga hodooligi i de laangi gu lava i de hagamodu, ga basa ai gi dangada.

Matthew 11:8

Gai se aha donu oodou e hulo laa e tilo? Se dangada e gahu i malo danuaa? Tilo, dangada e kahu i malo danuaa e nnoho i lodo hale o denga hodooligi.

Matthew 6:20

Aagai hagaduulia oodou goloa hagamogomogo i de langi, go de mommee e deai goa iai ma tee hongagelegele baalanga, aagai de gau gaiaa e dee maua i de ulu e gaiaa.

Esther 5:1

Gai dua huu de hagadolu laangi, gai Esther ga gahu i malo o de hine hodooligi, ga hano ga duu i lo te buibui o de hale o de hodooligi, i ma te aabi iai de nohoanga hodooligi. Gai de hodooligi e noho i honga dono nohoanga ma e huli ange ai gi de haitoga.

1 Kings 22:30

Gai de hodooligi o Israel ne hai ange gi Jehoshaphat, “Au e hai naa gi dee madea mai au, i dogu hano gi de hebagi, aagai koe gahu i oo malo hodooligi.” Gai de hodooligi o Israel ne hai gi dee madea ange ia, gai ia ga hano gi de hebagi.

1 Kings 22:6

Gai de hodooligi o Israel ga hagabuni mai e haalau pelaabisi, ga ssili ange gi gilaadeu, “Ga hano au e hebagi ange gi Ramoth i Gilead be deai?” Gai gilaadeu ga hai ange, “Hannoo, gai de Ia Aamua e dugu adu naa goe, de hodooligi, gi hagadee kii ina de aduhale laa.”

1 Kings 18:29

Gai gilaadeu ne hevaalogi ma de hai mee nei, ga dae ai gi de masavaa o ssigidaumaha i de ahiahi, gai teai donu se leo be se dangada ne basa ange aabe ne anga ange gi alaadeu dalodalo.

1 Kings 22:9

Gai de hodooligi o Israel ga hagahi dahi dagi ga hai ange, “Hagamoolau hannoo gaamai Micaiah, tama daane a Imlah.”