1 Kings 21:7 - De Beebaa Dabu

⁷ Gai dono bodu go Jezebel ne hai ange gi de ia, “E dee go koe de hodooligi o Israel? Hidi age gaimee ma gi lodo malangilangi; au ga gaavadu gi de goe de veelengaa grape a Naboth, taane Jezreel.”

1 Kings 21:7 Referans Kwoze

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Ecclesiastes 8:4

De muna a de hodooligi e sauaa, gai goai e maua i de hai ange gi de ia, “Ni aha aau e hai naa?”

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Proverbs 30:31

ma de gaagoo daane e seesee hagasoenga laa, ma de guudi daane, aama de hodooligi madali dono hagabuulinga hebagi.

2 Samuel 13:4

Ia ne ssili ange gi Amnon, “Tama daane a de hodooligi, daalaa mai be gu aha gu lodo baubau ai naa goe i denga daiao alodahi!” Amnon ne hai ange gi de ia, “Au gu aloha i Tamar, taina hahine o dogu daina go Absalom.”

1 Samuel 8:14

Ia e kave gee naa oodou veelengaa grape danuaa hugadoo, ma oodou veelengaa olive, ga gaavange gi ono dangada hai hegau.

1 Samuel 8:4

Gai denga dagi o de gau Israel ne hagabuni mai gi daho Samuel i Ramah,

Judges 19:6

Gai luu daane laa ga nnoho iho e gaimee ma de unu; gai tamana o tamaa hine laa ga hai ange gi taane laa, “Au e dangidangi adu, seni aaboo nei ga hai gi malangilangi goe.”

Ruth 3:7

Gai ga bosu huu a Boaz i de gaimee ma de unu, gai ia gu dai senga. Gai ia ne hano ga dagodo ga seni i gaogao de hagabuudungaa grain. Gai Ruth ne modimodi adu ga hhuge age de malo e haoli ai laa luoono vae, ga dagodo iho i kilaa.

1 Kings 21:6

Ia ga hai ange gi dono bodu, “Go hiidinga au ne hai ange gi Naboth, taane Jezreel, ia gi gaamai dana veelengaa grape gai au ga hagao, aabe noo ia e lodo, gai au ga gaavange dahi veelenga gee e hagahesuihagi ai; aagai ia ne hai mai, ‘Au e dee gaavadu donu dagu veelengaa grape gi de goe.’ ”

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —