1 Kings 21:6 - De Beebaa Dabu

⁶ Ia ga hai ange gi dono bodu, “Go hiidinga au ne hai ange gi Naboth, taane Jezreel, ia gi gaamai dana veelengaa grape gai au ga hagao, aabe noo ia e lodo, gai au ga gaavange dahi veelenga gee e hagahesuihagi ai; aagai ia ne hai mai, ‘Au e dee gaavadu donu dagu veelengaa grape gi de goe.’ ”

1 Kings 21:6 Referans Kwoze

Proverbs 14:30

De baba i lodo o tangada e hai ga mmahi de angaanga, aagai de lodo gaiaa e hai ga pobo ivi o tangada.

Esther 6:12

Dua mee nei gai Mordecai ne ahe gi de haitoga o de hale o de hodooligi. Aagai Haman ne hagamoolau ga hano gi dono hale, ga haoli dono biho i hiidinga de daemaha ono lodo.

1 Kings 21:1

Naboth, taane Jezreel, e dahi ana veelengaa grape i Jezreel, gai e baa ange gi de hale o Ahab, de hodooligi o Samaria.

1 Kings 21:5

Aagai dono bodu go Jezebel ne humai, ga ssili ange gi de ia, “Gu aha gu lodo baubau ai naa goe? Gai gu aha gu dee lodo ai naa goe e gaimee?”

1 Kings 21:7

Gai dono bodu go Jezebel ne hai ange gi de ia, “E dee go koe de hodooligi o Israel? Hidi age gaimee ma gi lodo malangilangi; au ga gaavadu gi de goe de veelengaa grape a Naboth, taane Jezreel.”