1 Kings 21:3 - De Beebaa Dabu

³ Aagai Naboth ne hai ange gi Ahab, “Tagi Maolunga e dee dugu mai donu au gi gaavadu gi de goe de mommee ne bolo mai gi de au i daho ogu maadua.”

1 Kings 21:3 Referans Kwoze

Numbers 36:7

Gai de gelegele gu bolo ange laa gi dahi aamuli o de gau Israel e dee maua donu i de gaavange gi dahi aamuli gee; de gau Israel alodahi gi daohia gelegele gu bolo ange laa gi denga aamuli o olaadeu dubuna madagidagi.

Leviticus 25:23

“ ‘Gai denga alahenua e dee maua donu i de hagao gi daha ga hano ai; go hiidinga de henua niiogu, gai goodou ni dangada henua gee e nnoho gaainga i dogu henua.

Ezekiel 46:18

Gai tagi o de henua e dee maua i de kave mee gu bolo ange gi dangada, ma de hai gilaadeu gi hulo gee mai i olaadeu alahenua. Gai ia gi bolo ina ange mommee o ana dama mai i dono alahenua donu, gi deai ai dangada i magavaa o ogu dangada e gaavee gee dono alahenua.”

Romans 6:15

Gai aahee ai adaadeu mee e hai? Gidaadeu ga duudagi de nnoho i lodo odaadeu haisala, i hiidinga gidaadeu gu dee nnoho i lalo de hainga, gai gu nnoho i lalo de abodonu o de Maadua? E dee maua donu!

Galatians 6:14

Aagai de Maadua e dee dugu mai donu au gi duuhia donu huu au i dahi mee daudahi, aagai au e tuhi donu huu de laagau lui o taadeu Dagi Maolunga go Iesu Klisdo, go de laagau lui oogu ne magau ange ai henua i lalo, ma lodo o henua i lalo.

1 Corinthians 6:15

Goodou e dee iloo laa bolo oodou angaanga ni mee donu niio de angaanga o Klisdo? Gai dee hee ai dagu hai e kave ai dahi mee de angaanga o Klisdo e hai gi ange gi de angaanga o dahi hahine hai be se manu? E dee maua donu!

Romans 7:13

E aha, go de hainga danuaa laa ne hidi ai nei dogu magau? E dee maua donu! Aagai go de haisala ne hagahai hegau ina de mee danuaa laa ga dagi ange ai au gi de magau, e hagaago mai ai bolo de haisala e haisala donu, gai muna o de hainga ne hagaago mai bolo de haisala e baubau mmao.

Romans 7:7

E aha, e maua e gidaadeu i de hagataba bolo de hainga e haisala? E dee maua donu! Noo tee gaamai de hainga, gai au tee iloo dagodo o de haisala. Au tee maua hogi gi iloo be se aha de nnoo hagamau mee, noo de hainga tee hai mai, “Aude nnoo!”

Romans 6:2

E dee maua donu! Dee hee taadeu hai e duudagi ai de hai hegau i de haisala, gai gidaadeu gu maakau ange gi de haisala?

Romans 3:31

Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.

Romans 3:6

E dee maua donu! Gai dee hee ai de hai a de Maadua e maua ai i de hagamodu muna o henua i lalo?

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

De Beebaa go Job 27:5

Au e dee haihai naa donu ga hagadaba bolo goodou e heohi; au e dee hagadaba naa donu bolo au e dee heohi, ga dae ai gi dogu magau.

1 Chronicles 11:19

gai ia ne hagadaba, “De Maadua e dee dugu mai donu au gi unumia vai nei! E heohi dagu unu vai ne dai maakau ai denga daane nei? Gilaadeu ne hagangadi mee olaadeu mouli i delaadeu hulo ga asu mai vai nei.” Gai David tee unu donu vai laa. Aanei hegau a denga daane mmahi dogodolu laa ne hai.

1 Samuel 24:6

Gai ia ga hai ange gi ono daane, “Tagi Maolunga e dee dugu mai au gi haia ange de hegau bee nei gi dogu dangada aamua, go de ia a Tagi Maolunga gu hagadabu i de lolo. Au e dee maua hogi i de poo ange gi de ia, i hiidinga go ia a Tagi Maolunga ne hagadabu.”

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

Joshua 24:16

Gai dangada ga pasa ange, ga hai ange, “E deai, gimaadeu e dee tili donu Tagi Maolunga gai ga daumaha ange gi denga diinonga.

Joshua 22:29

Aagai gimaadeu tee se llodo e hai baasi ange gi Tagi Maolunga, ma de daahuli gee i Tagi Maolunga anailaa nei, amaadeu ne hagaduu ai nei dahi mommee gee e hai ai ssigidaumaha dudu, ma sigidaumaha o grain, aama denga sigidaumaha ange laa, ma de mommee o ssigidaumaha o Tagi Maolunga taadeu Maadua e duu laa i mada i mua o de tabernacle.”

Genesis 44:17

Gai Joseph ga hai ange, “Au e dee maua i de hai de hegau naa. Gai go tangada donu huu ne gidee mai ai de ubu, e hai ai dogu dangada hai hegau. Gai goodou ange laa, aahe gi daho doodou damana i de nnoho baba.”

Genesis 44:7

Aagai gilaadeu ne hai ange gi de ia, “Demaadeu dangada aamua, gu aha goe gu basa mai ai naa bee naa gi gimaadeu? E dee maua donu e gimaadeu, oo dangada hai hegau, i de hai dahi hegau baubau bee naa!

Numbers 36:9

gai e deai donu gelegele i de boolonga o dahi aamuli e gaavange gi dahi aamuli gee; gai denga aamuli alodahi o de gau Israel gi daohi gelegele ne bolo ange laa gi gilaadeu.”