1 Kings 2:4 - De Beebaa Dabu

⁴ gai Tagi Maolunga gi hagasula ina dana hagatoo donu mai gi de au, ‘Noo oo hagadiilinga e dagitilo delaadeu hai e mouli ai, ma de seesee i de muna abodonu i olaadeu lodo alodahi, ma olaadeu hagasaalunga alodahi i mada luoogu mada, gai e deai naa donu se masavaa e deai se dangada mai i doo hagadiilinga e hodooligi i honga Israel.’

1 Kings 2:4 Referans Kwoze

2 Kings 20:3

“Tagi Maolunga, au e dangidangi adu koe gi manadua bolo au ne hai hegau adu gi de goe i de muna abodonu i ogu lodo alodahi, ma de hai hegau i de heohi i mada luoo mada.” Gai Hezekiah ne kona mmao dono dangi.

1 Kings 8:25

Deenei ai, Tagi Maolunga, de Maadua o Israel, koe gi hagassula ina au hagatoo donu ange gi doo dangada hai hegau go David, dogu damana, koe ne hai ange, ‘E deai naa donu se masavaa e deai ai se dangada mai i doo hagadiilinga e hodooligi i honga o Israel, i mada luoogu mada, noo au dama e kana ange e daudali mai i de au bei oo dagodo.’

2 Samuel 7:25

Deelaa ai, Tagi Maolunga de Maadua, hagassula ina au muna gu tala i dagodo o doo dangada hai hegau aama dono huaabodu, gai haia gi bei au muna gu tala.

Matthew 22:37

Iesu ne hai ange gi de ia, “Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama au maanadu alodahi.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Zechariah 14:2

Au e hagabuni mai naa denga huaahenua alodahi gi hebagi ange gi Jerusalem, gai de aduhale e gaavee naa, denga goloa i lodo hale e gaiaadia naa, gai denga haahine e haia naa gi de mahi. Dahi luu baasi o dangada i de aduhale e noonoodia naa ga gaavee gi dahi henua gee, aagai dangada e doe e dee kave gee mai naa i de aduhale.

Psalm 37:22

Gilaadeu a Tagi Maolunga e hagamanuuia e henua naa i de henua, aagai gilaadeu aana e hagamalaia e gaavee gee naa donu.

Psalm 37:9

De gau baubau e llilo naa donu, aagai gilaadeu e tali hagalodolodo ange gi Tagi Maolunga e henua naa i de henua.

2 Chronicles 17:3

Gai Tagi Maolunga e madali Jehoshaphat, go hiidinga ngadau i taamada gai ia ne seesee i haiava o dono dubuna go David. Ia tee ssala de bale mai i daho denga Baal,

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

2 Kings 23:25

Gai teai ange donu se hodooligi i mua o Josiah aabe go ono dua ne bei ono dagodo, i dono hagaduu ngae ga daudali ange i Tagi Maolunga i ono lodo alodahi, ma dono hagasaalunga alodahi aama ono mahi alodahi, bei de hai gu sisi ai laa i hainga alodahi a Moses.

2 Kings 23:3

Gai de hodooligi ne duu i gaogao tuludulu i kilaa ga hai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi, ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa. Gai dangada alodahi ne hagatoo donu hogi bolo gilaadeu e daudali i de hagatoo donu hagaheloongoi laa.

1 Kings 9:5

gai au e hai doo nohoanga hodooligi gi dagodo i Israel ga hano ai, bei dagu hai gu hagatoo donu ange ai gi doo damana go David, ga hai ange, ‘E deai naa donu se masavaa e deai ai se dangada mai i doo hagadiilinga e hodooligi i Israel.’

1 Kings 8:23

ga hai ange: “Tagi Maolunga, de Maadua o Israel, e deai ange donu se Maadua i de langi i lunga, aabe go honga henua i lalo e bei oo dagodo. Koe e daohi de hagatoo donu hagaheloongoi o doo aloha ange gi oo dangada hai hegau e seesee i mada luoo mada i de muna abodonu i olaadeu lodo alodahi;

1 Kings 3:14

Gai noo koe e daudali i ogu lodo, ma de daohi agu muna gu hagasauaa, ma agu hainga gu tala adu, bei hegau a doo damana go David, gai au ga hai gi daulooloa doo mouli.”

1 Kings 3:3

Gai Solomon ne aloha i Tagi Maolunga, ma de daudali i muna a dono damana go David gu hagasauaa; deelaa donu huu, ia e hai ana sigidaumaha ma de dudu mee maanongi i denga mommee daumaha.

Deuteronomy 11:13

Gai noo goodou e daudali i agu muna e tala adu gi goodou ailaa nei, ma de aaloha i Tagi Maolunga doodou Maadua, ga daumaha ange gi de ia, i oodou lodo alodahi aama oodou hagasaalunga alodahi,

Deuteronomy 10:12

De gau Israel, se aha a Tagi Maolunga doodou Maadua e lodo goodou gi haia? E aha, ia tee hai adu goodou gi maatagu i Tagi Maolunga doodou Maadua, ma de seesee i ono haiava alodahi, ma de aaloha i de ia, aama de daumaha ange gi Tagi Maolunga doodou Maadua i oodou lodo alodahi, ma oodou hagasaalunga alodahi,

Deuteronomy 7:12

Gai noo goodou e hagallongo ange gi denga hagamodu nei ma de daohi mee nei ga daudali ai, gai Tagi Maolunga doodou Maadua e daohi hogi dana hagatoo donu hagaheloongoi, ma dono abodonu adu gi goodou, bei dana hai gu hagatoo donu ange gi oodou dubuna madagidagi.

Deuteronomy 6:5

Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama oo mahi alodahi.

Leviticus 26:3

Noo goodou e daudali i agu hainga gu hagasauaa ma de kana ange ga hagallongo mai gi agu muna,

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

2 Chronicles 6:16

Deenei ai, Tagi Maolunga, de Maadua o Israel, koe gi hagassula ina au hagatoo donu ange gi doo dangada hai hegau go David, dogu damana, koe ne hai ange, ‘E deai naa donu se masavaa e deai ai se dangada mai i doo hagadiilinga e hodooligi i honga Israel, i mada luoogu mada, noo au dama e kana ange e daudali i agu hainga, i mada luoogu mada bei oo dagodo.’

2 Chronicles 7:18

gai au e hai naa gi dee lilo doo nohoanga hodooligi, bei dagu hai gu hagatoo donu ange ai laa gi doo damana go David, e hai ange, ‘E deai naa donu se masavaa e deai ai se dangada mai i doo hagadiilinga e hodooligi i honga Israel.’

Psalm 39:1

Au ne hagadaba, “Au e dagitilo naa ogu haiava ma de daohi dogu alelo gi dee haisala; au e nnoa naa dogu ngudu i taulooloa de nnoho o de gau baubau i dogu mommee iai.”

Psalm 119:9

Dee hee de hai a dahi dama daane e hai ai gi gilimalali dono mouli? Go dana dagitilo ga daudali i au muna.

Jeremiah 33:17

Gai e hagadaba Tagi Maolunga: David e duudagi naa donu huu de dahi ono mogobuna e hodooligi i de nohoanga hodooligi i de henua o Israel,

1 Kings 1:48

Gai de hodooligi ne hai ange hogi, ‘Duuhia Tagi Maolunga, de Maadua o Israel, i dana hai gi gidee e au de noho o dahi agu dama i honga dogu nohoanga hodooligi anailaa nei.’ ”

1 Kings 6:12

“Aanei dagodo o de temple aau e hagaduu naa: noo koe e daohi agu hainga gu hagasauaa ma de daudali i agu hainga gu hagamodu, ma agu muna gu tala adu ga hai hegau ai, gai au e hagassula naa mee alodahi aagu gu hagatoo donu ange gi doo damana go David.

1 Kings 11:36

Aagai au e gaavange naa dahi aamuli gi dana dama daane, gi dee lilo ai de nohoanga hodooligi o dogu dangada hai hegau go David, i mada luoogu mada i Jerusalem, go de aduhale aagu ne hilihili e dugu ai dogu ingoo.