1 Kings 19:11 - De Beebaa Dabu

¹¹ Gai ia ne hai ange, “Sao mai hannoo duu i honga de mounga i mada luu mada o Tagi Maolunga. Gai tilo, Tagi Maolunga e humai naa laa oo gaogao.” Gai dahi madangi laumalie ma de mmahi ne dau mai ga oha denga mounga ma de dili iho denga hadu, i mada i mua o Tagi Maolunga, aagai Tagi Maolunga e dee noho i lo te madangi laa. Dua de madangi laa gai de henua gu ngalungalue, aagai Tagi Maolunga e dee noho i de ngalungalue o de henua.

1 Kings 19:11 Referans Kwoze

Ezekiel 1:4

Gai tilo, au ne gidee de madangi mmahi e humai i ngaiho, gai e dahi hagausinga maadolu e labalaba mai ai denga uila, gai gu kona de maalama luu baasi alodahi. Gai lo te ungaalodo o de ahi laa e dahi mee malamalama bei de baalanga,

Psalm 50:3

Taadeu Maadua e humai, gai ia e dee noho naa donu huu ga dee muu; de ahi e dudu mee alodahi i ono mada i mua, gai de madangi mmahi e ssau ma e duuli ai ia.

Isaiah 30:30

Gai Tagi Maolunga e hai naa gi langona e dangada dono leo maolunga, ma de gidee de hagaabo dono lima i dono bole, ma de ahi ula mmahi e duungia laa mee, madali de langi pala, ma de madangi, aama dibadibaa haisi.

De Beebaa go Job 38:1

Gai Tagi Maolunga ne basa mai gi a Job i lo te sio, ga hai ange:

Hebrews 12:26

De masavaa laa gai dono leo ne hagangalungalue henua i lalo, aagai iainei ia gu lava i de hagatoo donu bolo, “E dahi ange naa hanonga aagu e hagangalungalue ai henua i lalo ma de langi.”

Ezekiel 37:7

Gai au ga basa pelaabisi bei de hai gu tala mai ai. Gai de masavaa oogu ne basa ai, gai au gu langona de ngalungaalue o hanu mee, gai denga ivi laa gu hagadau hagabigibigi ange, dahi ivi gu pigi ange gi de ivi ange laa.

Psalm 68:8

gai henua i lalo gu ngalungalue, de langi gu hai gi pala iho de langi, i mada i mua o de Maadua, de Maadua o Sinai, i mada i mua o de Maadua, de Maadua o Israel.

Exodus 34:2

Gai haia gi baba oo mee i taiao age, ma gi hanage gi honga de mounga go Sinai, ga duu i ulu de mounga.

Exodus 19:20

Gai Tagi Maolunga ga hano iho gi honga de mounga go Sinai, gai ia ga hagahi mai Moses gi hanage gi ulu de mounga, gai Moses ga hanage.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Revelation 16:18

Gai gu labalaba denga uila, ma de hagalongaa i de babaa o denga hatuli, gai gu kona de ngalungalue o de henua. Tigi ai ange se ngalungalue o de henua bee nei mai i taamada de nnoho o dangada i henua i lalo, i hiidinga de kona de laumalie de ngalungalue o de henua.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Exodus 24:18

Gai Moses ne hanage i de mounga ga ulu gi lo te hagausinga laa, ga noho i kilaa i e madahaa laangi ma boo.

Exodus 24:12

Gai Tagi Maolunga ga hai ange gi Moses, “Gage age humai gi ogu daha i honga de mounga ma gi noho ai, gai au ga gaavadu gi de goe luu duu hadu e sisi ai hainga ma muna aagu gu lava i de sisi e agoagona ange ai gilaadeu.”

Matthew 28:2

Gai tilo, gu kona de ngalungalue de henua, i hiidinga dahi dangada de langi o Tagi Maolunga gu hano iho ma gu hagadige gee de hadu e buibui ai laa de haitoga o taanunga, ga noho i honga de hadu laa.

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Exodus 20:18

Gai ga langona huu e dangada de babaa denga hatuli ma de labalaba denga uila, gai gu ili de hanga manu, ma de buu age o de useahi i honga de mounga, gai gilaadeu gu maatagu ma de bolebole; gai gilaadeu ga hulo ga tuu i de mommee mmao,

Matthew 24:7

Denga huaahenua e hagadau hebagi naa, denga nohoanga hodooligi e hagadau hebagi naa, gai e hai naa denga onge ma de ngalungalue o de henua i denga mommee.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

1 Samuel 14:15

Gai de hagabuulinga hebagi laa gu maatagu mmao — gilaadeu i de mommee nnoho gaainga ma lo te duu malaelae, aama denga hagabuulinga e oohaa denga mommee — gai de henua gu ngalungalue. De madagu nei se mee mai i daho de Maadua.

Exodus 19:16

Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Psalm 68:9

De Maadua, koe ne hai gi kona de bala de langi; koe ne hagammahi de henua o doo boolonga i de masavaa ne baageaa ai.