1 Kings 17:12 - De Beebaa Dabu

¹² Gai de hine laa ga hai ange, “Au e hai adu i de mouli o Tagi Maolunga, doo Maadua, bolo e deai donu agu pelaoaa mmoa, gai ni momo pelaoaa mada donu huu e doe i lo te ssaa, ma hanu momo lolo i lo te ssaa. Gai au e hano nei ma e hagabudu hanu lahhie e dunu ai momo mee e doe laa, e gai gimaau ma dagu dama daane, muli mai gai gimaau ga maakau ai.”

1 Kings 17:12 Referans Kwoze

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

Genesis 21:16

gai ia ga hano ga noho i de mommee mmao bei de mmao o tao e tili laa i de mee hholu, go hiidinga ia ne hagadaba, “Au e dee lodo gi gidee e au de magau o dagu dama.” Gai ia ga hano ga nnoho i de mommee laa ga dangi ai.

Lamentations 4:9

Dangada gu daia laa ma gu maakau i de gadilaasa e danuaa ange i gilaadeu e maakau laa i delaadeu saalohia; gilaadeu e kona de hiikai, gai gu panga, i hiidinga teai gai i honga denga veelenga.

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Jeremiah 5:2

Gai ga hagataba naa donu gilaadeu, ‘Gimaadeu e hagatoo donu i de mouli o Tagi Maolunga’, aagai gilaadeu e dee hagatoo donu i de muna abodonu.”

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

2 Samuel 15:21

Aagai Ittai ne hai ange gi de hodooligi, “Au e hagatoo donu i de mouli o Tagi Maolunga, ma de mouli o dogu dangada aamua go de hodooligi: be go hee naa huu o de hodooligi e noho ai, e dee galemu be ia e daia ga magau aabe e ola, gai go kilaa hogi oogu e nnoho ai.”

1 Samuel 26:10

Gai David ga hai ange, “Au e hagatoo donu i de mouli o Tagi Maolunga, bolo go Tagi Maolunga e daa ina ia gi magau; e dee hilihili be ia e magau i dono laangi e magau ai, aabe ia e magau i de hebagi.

1 Samuel 25:26

Deenei ai, dogu dangada aamua, au e hagatoo donu i de mouli o Tagi Maolunga ma doo mouli: go hiidinga Tagi Maolunga ne daohi goe gi dee daia gi maakau dangada, ma de daohi goe gi dee sui ange alaadeu mee gu hai, deenei ai, oo hagadaumee aama gilaadeu e nnoho e haia adu de baubau gi de goe gi bei dagodo o Nabal.

1 Samuel 20:21

Gai au e hai naa dahi dama daane gi hanadu, ga hai ange, ‘Hannoo, saalaa denga dao.’ Gai noo au e hai ange, ‘Tilo, denga dao i oo baasi mai nei, gaamai kinei,’ gai koe gu maua i de ahe mai; au e hagatoo donu i de mouli o Tagi Maolunga, bolo mee alodahi gu danuaa; gu dee hagamanavasaa adu donu gi de goe.

1 Samuel 20:3

Aagai David ne hai dahi hagatoo donu ga hai ange, “Doo damana e iloo bolo koe gu abodonu mai gi de au; gai ia gu hagadaba i ono lodo, ‘E dee tala ange mee nei gi Jonathan gi dee daemaha ai ia.’ Aagai au e hagatoo donu i de mouli o Tagi Maolunga ma doo mouli, bolo gu baa ange donu gi dogu daa ga magau!”

1 Samuel 14:45

Aagai denga daane ne hai ange gi a Saul, “Gu aha gu daa ai Jonathan gi magau, gai ia gu hagaola de gau Israel? E dee maua donu! Gimaadeu e hagatoo donu i de mouli o Tagi Maolunga, bolo e deai donu se ngaangaaulu daudahi o dono biho e doo gi honga de gelegele; go hiidinga de Maadua ne hagahai hegau ia anailaa nei.” Gai denga daane ne hagaola Jonathan, ia tee daa gi magau.

1 Samuel 14:39

Go hiidinga au e hagatoo donu i de mouli o Tagi Maolunga e hagaola ina laa de gau Israel, bolo e dee galemu naa donu be go Jonathan, dagu dama, gai tangada laa e magau donu.” Gai teai donu se daane daudahi ne basa ange gi de ia.

Matthew 26:7

gai dahi hahine ne humai ma dahi manu alabaster iai vai hagamanongi hagao ngadaa mmao, gai ia ga llingi ange gi honga dono biho, i de masavaa oona e hakaogao ai ma e gaimee i teebele.

Genesis 21:15

Gai ga odi huu vai i lo te gili manu laa, gai Hagar ga hagadagodo tama laa i lalo dahi manu somo baa i lalo,

1 Kings 17:11

Gai de masavaa o de hine laa ne hano ai e gaamai hanu vai, gai Elijah ga oo adu ga hai ange gi de ia, “Gaamai hogi hanu momo pelaoaa madali goe.”

1 Kings 17:13

Gai Elijah ga hai ange gi de hine laa, “Aude madagu; hannoo haia gi bei au muna gu tala mai gi de au. Aagai koe haia dahi damaa keege gaamai e gai au i mua, muli mai gai koe ga hai ai hanu gai mooluu ma dau dama daane.