1 Kings 17:1 - De Beebaa Dabu

¹ Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

1 Kings 17:1 Referans Kwoze

James 5:17

Elijah se dangada bei odaadeu dagodo, gai ia ne hagaduu ngae ga dalodalo gi dee pala de langi, gai tee pala donu de langi i honga de henua, i e dolu ngadau ma e ono malama.

Luke 1:17

Gai ia e hano naa i mada i mua o Tagi Maolunga, i ssauaa o de hagasaalunga ma mahi o Elijah, ga hai gi daahuli mai denga damana gi alaadeu dama, ma de hai gilaadeu e dee hagallongo i muna, gi maua de heiangi o olaadeu e heohi — aama de hagadabena dahi huaadangada ange gi Tagi Maolunga.”

1 Kings 22:14

Aagai Micaiah ga hai ange, “Au e hagatoo donu i de mouli o Tagi Maolunga, bolo be aahee naa huu muna a Tagi Maolunga e tala mai gi de au, gai aalaa hogi agu muna e tala.”

2 Kings 3:14

Gai Elisha ga hai ange, “Au e hagatoo donu i de mouli o Tagi o denga hagabuulinga hebagi, go de ia oogu e hai hegau ange aagena: noo au e dee hagadubu Jehoshaphat, de hodooligi o Judah, gai au e dee galo adu donu aabe anga adu gi de goe.

Revelation 11:6

Gai e dahi donu olaau sauaa e pono ai gi dee pala de langi i laangi olaau e pasa pelaabisi ai, ma de sui ai denga vai gi ni dodo, ma de hai gi loomai gi henua i lalo denga hagadaagangaa mee hagamaakau, i de masavaa alaau e llodo ai.

Romans 11:2

De Maadua tigi tili donu ono dangada, go dangada aana gu iloo laa madagidagi. Goodou e dee iloo laa muna a de Beebaa Dabu e tala ai laa dagodo o Elijah, i dono dalodalo ga hagabaubau ange de gau Israel gi de Maadua?

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Luke 9:30

Gai tilo, e dogolua daane, Moses ma Elijah,

Matthew 7:29

go hiidinga ia e agoago bei tangada iai ssauaa, e dee bei de gau sisi.

1 Kings 18:1

Dua hanu laangi lagolago, i de hagadolu ngadau, gai Tagi Maolunga ne hagaago ange ana muna gi Elijah, ga hai ange, “Hannoo hagasula ange gi Ahab, gai au e hai naa gi pala iho de langi gi honga de henua.”

Deuteronomy 10:8

De masavaa laa gai Tagi Maolunga ne hili ange de aamuli o Levi, gi sabaia de ngavesi o de hagatoo donu hagaheloongoi a Tagi Maolunga, ma de hai hegau a Tagi Maolunga i dono hale, aama de hagamanuuia i dono ingoo, ga dae mai ai gi anailaa nei.

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

Luke 1:19

Gai tangada de langi ne hai ange gi de ia, “Go au go Gabriel, au e duu i mada luu mada o de Maadua. Au ne hai gi humai gi daalaa adu gi de goe de longo danuaa nei.

1 Kings 18:15

Gai Elijah ga hai ange, “Au e hagatoo donu i de mouli o Tagi o denga hagabuulinga hebagi, go de ia oogu e hai hegau ange nei aagena, bolo au e hedae ange naa donu gi Ahab ailaa nei.”

1 Kings 18:10

Au e hagatoo donu i de mouli o Tagi Maolunga, doo Maadua, bolo e deai donu se huaahenua, aabe se nohoanga hodooligi daudahi a dogu dangada aamua tigi kave hanu dangada gi saalaa ai goe. Gai de masavaa naa huu a dahi huaahenua, aabe se nohoanga hodooligi e tala ai bolo koe e dee maleva i kilaa, gai Ahab ga hai gilaadeu gi hagatoo donu ange, bolo gilaadeu tigi gidee donu goe.

Judges 12:4

Gai Jephthah ga hagabuni denga daane alodahi o Gilead ga hebagi ange gi Ephraim. Gai denga daane Gilead ga daa gilaadeu gu maakau, go hiidinga de gau Ephraim gu hagataba, “Goodou de gau Gilead ni dangada ne saavini ga hulo gee mai i Ephraim ma Manasseh.”

John 1:25

ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”

John 1:21

Gilaadeu ne ssili ange hogi gi de ia, “Gai go koe donu goai? Go koe go Elijah?” Gai ia ga hai ange, “E deai!” “Gai go koe de pelaabisi laa?” Ia ne hai ange, “E deai.”

Luke 9:54

Gai de masavaa a luu dangada agoago go James ma John ne gidee ai de mee laa, gai gilaau ga ssili ange, “Tagi Maolunga, koe e lodo gimaau gi hagahia iho de ahi mai i de langi, gi daia gilaadeu gi maakau [bei hegau a Elijah ne hai]?”

Luke 9:33

Gai ga hulo gee huu luu daane laa mai i ono daha, gai Peter ga hai ange gi Iesu, “Tangada Aamua, e danuaa taadeu nnoho i kinei! Gidaadeu ga hagatuu e dolu baasi hale — e dahi oou, e dahi o Moses, gai e dahi o Elijah.” (Gai ia tee iloo donu ana muna ne tala laa.)

Matthew 27:49

Aagai hanu gilaadeu ne hai ange, “De kaba, gidaadeu ga damaa tali adu, e tilo be Elijah e humai laa e hagaola ia.”

Matthew 27:47

Gai hanu dangada e tuu laa i kilaa ne langona e gilaadeu ana muna, gai gilaadeu ga hagataba, “Ia e hagaagahi Elijah.”

Matthew 16:14

Ana dangada agoago ne hai ange, “Hanu bolo koe go John taane Babudaisi, gai hanu bolo go Elijah, aagai hanu bolo go Jeremiah aabe go dahi pelaabisi ange laa.”

Matthew 11:14

gai noo goodou e llodo e hagadonu, gai deenei donu Elijah gu tala laa bolo e humai.

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Isaiah 49:18

Dangage age ma gi diiloo; au dama alodahi gu hagabuni mai gi oo daha. Au e hagatoo donu i dogu mouli, go Tagi Maolunga e hagadaba, “Koe e hai naa gilaadeu alodahi bei mee hagalaagii aau e dau laa; koe e dau naa gilaadeu bei mee hagalaagii o de hine gu dai hai bodu.

2 Kings 5:16

Aagai Elisha ne hai ange, “Au e hagatoo donu i de mouli o Tagi Maolunga, de ia oogu e hai hegau ange nei aagena, bolo au e dee kave donu dahi mee ngadi gaavange daudahi naa.” Gai Naaman ne hagammahi ange ia gi gaavee mee laa, aagai ia tee kave.

1 Kings 17:2

Gai Tagi Maolunga ne hagaago ange ana muna gi Elijah, ga hai ange,

1 Kings 17:12

Gai de hine laa ga hai ange, “Au e hai adu i de mouli o Tagi Maolunga, doo Maadua, bolo e deai donu agu pelaoaa mmoa, gai ni momo pelaoaa mada donu huu e doe i lo te ssaa, ma hanu momo lolo i lo te ssaa. Gai au e hano nei ma e hagabudu hanu lahhie e dunu ai momo mee e doe laa, e gai gimaau ma dagu dama daane, muli mai gai gimaau ga maakau ai.”

2 Kings 1:3

Gai tangada de langi o Tagi Maolunga ga hai ange gi Elijah, taane Tishbe, “Hannoo hedae ange gi denga daane o de hodooligi o Samaria siilia ange, ‘E aha, gu deai laa donu se Maadua o Israel, gai goodou ga hulo ai laa e ssili hanu mee i daho Baal-Zebub, tiinonga o Ekron?

2 Kings 5:20

gai Gehazi, tangada hai hegau o Elisha, taane o de Maadua, ne hagadaba i ono lodo, “Tilo, dogu dangada aamua ne dugu Naaman, taane Syria gi hano; ia tee kave goloa aana ne gaamai. Au e hagatoo donu i de mouli o Tagi Maolunga, bolo au e savini naa e hano e kave hanu goloa laa mai i ono daha.”

2 Chronicles 6:26

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

De Beebaa go Job 12:15

Noo ia e daohi denga vai, gai mee alodahi gu mmae; noo ia e hai gi ssali denga vai, gai gu dolona honga de henua.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

Jeremiah 28:8

Denga pelaabisi gu loomai laa i mua, i denga masavaa gu hulo ne tala bolo denga hebagi, ma onge, ma mee hagamaakau e hai ange naa gi henua lagolago aama denga nohoanga hodooligi maolunga.

Haggai 1:10

Deenei ai, go oodou hiidinga tee hano iho ai de mee maluulu i de langi, ga hagadee ssomo ai manu i honga de henua.

1 Kings 8:35

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

2 Kings 4:38

Gai Elisha ne ahe gi Gilgal, i de masavaa e onge ai honga de henua laa. Gai dahi hagabuulinga o denga pelaabisi ga loomai gi ono daha, gai ia ga hai ange gi dono dangada hai hegau, “Dugua ange de anibada laumalie gi honga de ahi mage haia dahi suba e gai de hagabuulingaa daane pelaabisi nei.”

2 Chronicles 21:12

Gai de pelaabisi go Elijah ne gaamai dahi leda gi Jehoram, ga hai ange, “E hagadaba Tagi Maolunga, de Maadua o doo dubuna go David, ‘Koe tee ago ange i hegau a doo damana go Jehoshaphat, aabe go hegau a de hodooligi o Judah go Asa.