1 Kings 15:13 - De Beebaa Dabu

¹³ Ia ne aau hogi dono dubuna hahine go Maacah i tuulanga o de hine hodooligi, go hiidinga ia ne hagaduu dahi duludulu hakino gee o Asherah. Gai Asa ne sele iho tuludulu laa ga dudu i lo te geelonga go Kidron.

1 Kings 15:13 Referans Kwoze

Exodus 32:20

Gai ia ga kave de kaau goolo laa ga dudu ga mmili gu lligi ga hagamalili ange gi lodo vai ga hai de gau Israel gi unumia.

Galatians 2:14

Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

John 18:1

Gai ga lava huu i dana tala muna nei, gai gilaadeu ma ana dangada agoago ga hulo gee i kilaa ga hulo laa lo te geelonga go Kidron gi de baasi laa. Gai e dahi veelenga i de baasi laa, gai gilaadeu ne hulo gi lo te veelenga laa.

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Zechariah 13:3

Gai noo dahi dangada e basa pelaabisi, gai luoono maadua ne hagadili ina ia gi hai ange, ‘E heohi donu doo daa gi magau, go hiidinga koe gu hadu muna i de ingoo o Tagi Maolunga.’ Gai de masavaa naa huu oona e basa pelaabisi ai, gai luoono maadua donu e velo naa ia ga magau.

2 Chronicles 34:4

Gai ia ne hai hogi dangada gi oohaa ina mommee o ssigidaumaha o Baal i ono mada i mua, ma de duuduu iho denga mommee o ssigidaumaha o mee maanongi e tuu laa i kilaa, ma de hadihadi denga duludulu laagau o Asherah aama diinonga baalanga ma laagau. Gai ia ne mmili ga lligi mee laa ga doha saele i honga daanunga o dangada ne sigidaumaha ange gi denga diinonga laa.

2 Kings 23:6

Gai ia ne kave gee tuludulu laagau o Asherah mai i lo te hale o Tagi Maolunga, ga kave gi de geelonga go Kidron i tua o Jerusalem ga dudu ai. Gai ia ga dugidugi de mee laa gu ni mama ga maga ange gi mommee iai daanunga o dangada.

2 Kings 18:4

Ia ne aau gee denga mommee daumaha, ma de oha denga duludulu hadu ma de duuduu iho denga duludulu laagau o Asherah. Ia ne oha hogi de labodo bronze a Moses ne hai laa, go hiidinga de gau Israel ne duudagi de dudu denga mee maanongi e hagadubu ai de labodo laa. Gai de labodo laa e hagaingoo ange go Nehushtan.

1 Kings 15:10

gai ia ne hodooligi i e madahaa ma dahi ngadau i Jerusalem. De ingoo o dono dubuna hahine go Maacah, tamaa hine a Abishalom.

1 Kings 15:2

Gai Abijah ne hodooligi i e dolu ngadau i Jerusalem. De ingoo o dono dinana go Maacah, tamaa hine a Abishalom.

2 Samuel 15:23

Gai dangada alodahi i de henua gu tangi i de masavaa o dangada alodahi e seesee ai e hulo. Gai de hodooligi ne hano gi de baasi laa o de geelonga go Kidron, gai dangada alodahi ne daga ga hulo gi de vao.

Joshua 6:24

Gai gilaadeu ga dudu de aduhale ma mee alodahi i ono lodo. Go selevaa donu huu, ma goolo, ma goloa e hai i bronze ma iron ne kave gi de mommee doange i de hale o Tagi Maolunga.

Deuteronomy 33:9

Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.

Deuteronomy 9:21

Gai au ne kave de kaau goolo oodou ne haisala ai laa ga dudu i de ahi, gai au ga mmili gu ni lehu ga maga ange gi lo te saalingaa vai e hano iho laa i de mounga.

Deuteronomy 7:5

Aagai deenei doodou hai e hai ai gilaadeu: goodou e oha olaadeu mommee o ssigidaumaha, ma de hagailiili gi maoha olaadeu duludulu hadu, ma de duuduu iho denga duludulu laagau o Asherah, aama de dudu olaadeu diinonga alodahi i de ahi.

Leviticus 26:30

Gai au e oha naa oodou mommee daumaha, ma de duuduu iho oodou mommee e sigidaumaha ai mee maanongi, ma de maga ange oodou angaanga gu maakau gi honga oodou diinonga; gai au e kino naa i goodou.

1 Kings 2:19

Gai Bathsheba ga hano gi daho de hodooligi go Solomon, e basa ange gi de ia i de mee o Adonijah e lodo ai. Gai de hodooligi ga duu age e hedae ange gi de ia, gai ia ga ino ange gi dono dinana ga lava ga ahe ange ga noho i honga dono nohoanga. Gai ia ga hagahi gi gaamai dahi seaa e noho ai dono dinana; gai dono dinana ga noho i dono baasi madau.

2 Kings 10:26

Gai gilaadeu ne aau mai tuludulu hadu i lo te hale daumaha o Baal ga dudu.

2 Kings 23:4

Gai de hodooligi ga hai ange gi Hilkiah, tangada haimeedabu maolunga, ma de gau haimeedabu i ono lalo, ma gilaadeu e hagaloosi ina de haitoga gi aaua gee denga goloa alodahi o Baal ma Asherah, ma goloa alodahi e daumaha ange ai gi denga heduu, mai i lo te temple o Tagi Maolunga. Gai ia ne kave mee laa ga dudu i tua de buibui o Jerusalem i lo te geelonga go Kidron, ma de kave denga lehu gi Bethel.