1 Kings 14:10 - De Beebaa Dabu

¹⁰ Go hiidinga o de mee nei, au e hai naa gi humai dahi hai ngadaa gi de huaabodu o Jeroboam. Au e daa naa gi maakau denga daane alodahi i Israel, e dee hilihili be se dangada hai hegau aabe se dangada ilaage. Au e dudu naa de hale o Jeroboam bei de hai a tangada e dudu ai laa denga duudae, ga dae ai gi teai donu.

1 Kings 14:10 Referans Kwoze

2 Kings 14:26

Gai Tagi Maolunga gu gidee bolo de gau Israel gu kona mmao delaadeu duasala, gai gu deai donu se dangada hai hegau aabe se dangada ilaage i olaadeu magavaa tigi hagaduasala, gai gu deai donu hogi dangada e balea ange gilaadeu.

1 Kings 21:21

Tilo, Tagi Maolunga e hai adu, ‘Au e gaamai naa dahi hai ngadaa gi de goe. Au e daa naa gi maakau, ma de hai gi deai daane i de huaabodu o Ahab i Israel, e dee hilihili be se dangada hai hegau aabe se dangada ilaage.

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

Malachi 2:3

Tilo, au e hagaduasala naa oodou hagadiilinga, ma de hulu oodou mada i denga duudae o denga manu e hai ai laa oodou sigidaumaha, gai goodou e gaavee gee naa madali mee nei,

Zephaniah 1:17

Au e hagahai ngadaa naa dangada, gai gilaadeu e seesee saele naa bei dagodo o de gau dee kide, go hiidinga gilaadeu gu haisala ange gi Tagi Maolunga. Olaadeu dodo e hagassii saele naa bei de mama o de gelegele, gai olaadeu angaanga e bei naa denga mee hakino gee.

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?

Ezekiel 26:4

Gilaadeu e oha naa buibui o Tyre ma ono hale dagitilo; gai au e aau gee naa gelegele iai ga hai gi sula age de baba.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Isaiah 14:23

Au e hai naa hogi Babylon gi se mommee e nnoho ai denga owl gai gi se mommee iai bela ma vai; au e tahi naa Babylon i tuaanui,” go Tagi o denga hagabuulinga hebagi e hagadaba.

Isaiah 14:19

Aagai koe e tili gee naa i lo too daanunga bei dahi laa manu e aau laa ga tili; koe gu haolia ma gu lilo i de gau maakau, madali gilaadeu ne daia ga maakau i de gadilaasa, go gilaadeu e loiho gi lodo hadu i lo te geelonga. Koe gu bei de angaanga o tangada magau e dagadagahia laa.

Isaiah 5:25

Deelaa ai, Tagi Maolunga gu lili mmao i ono dangada, gai ia ne hagaabo dono lima ga daa gilaadeu gu maakau. Denga mounga gu ngalungaalue; de gau maakau gu daakodo saele i honga denga haiava bei denga gainga. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Psalm 83:10

go dangada ne maakau i Endor, olaadeu angaanga gu bei denga duudae pobo i honga de gelegele.

De Beebaa go Job 20:7

gai ia e magau naa donu ga hano ai, bei ono duudae; dangada ne gidee laa ia e ssili ange naa, ‘I hee ia?’

2 Kings 21:13

Gai au e haide naa Jerusalem i de uga haide aagu ne haide ai laa Samaria, aama de huaabodu o Ahab. Au e ssolo naa Jerusalem gi bei de hai e ssolo ai laa gi deai mee i dahi gumedi; au e ssolo gi odi mee iai ga huli gi lalo.

2 Kings 9:37

Gai de angaanga o Jezebel e bei naa denga duudae e daakodo saele laa i tua de aduhale go Jezreel, gai e deai naa donu se dangada e madea ia, ga hagadaba, ‘Deenei Jezebel.’ ”

1 Kings 16:11

De masavaa o Zimri ne dae ange ai ga hodooligi, gai ia ne hagamoolau ga daa gu maakau de huaabodu alodahi o Baasha. Ia tee hagaola donu dahi daane daudahi aabe go dahi ono soa.

1 Samuel 25:34

Au e hagatoo donu i de mouli o Tagi Maolunga, de Maadua o Israel, go de ia ne daohia gi dee hagammae ina e au goodou: noo koe tee moolau doo humai e hedae mai gi de au, gai teai donu se daane daudahi ne ola i de hale o Nabal i de masavaa e ao ai de mee.”

1 Samuel 25:22

De Maadua gi hagaduasala ina donu au, noo au e dee daa gi maakau denga daane alodahi i dono hale i taiao age.”

1 Samuel 2:30

Deenei ai, e hagadaba Tagi Maolunga, de Maadua o Israel, ‘Au ne hagatoo donu bolo doo aamuli e hai hegau mai naa gi de au ga hano ai,’ aagai iainei Tagi Maolunga e hagadaba, ‘Au gu dee hagassula mee nei; go hiidinga au e hagadubu gilaadeu e hagadubulia ngau, aagai au e hagangadi mee gilaadeu e hagangadi mee ina ngau.

1 Kings 13:34

Gai de hegau nei se haisala e dau ange gi de huaabodu o Jeroboam, ga hidi mai ai de lilo o dono huaabodu ma de daia ga maakau ga dee nnoho i honga de henua.

1 Kings 16:3

Deelaa ai, tilo, au gu dai daa naa gi maakau Baasha ma dono huaabodu, gai au e hai naa doo huaabodu gi bei de huaabodu o Jeroboam, tama daane a Nebat.

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;