1 Kings 13:8 - De Beebaa Dabu

⁸ Aagai taane o de Maadua ne hai ange gi de hodooligi, “Ga gaamai naa donu goe dahi luu baasi o oo goloa, gai au e dee hano donu madali goe. Au e dee gaimee naa donu aabe unu hanu vai i de mommee nei,

1 Kings 13:8 Referans Kwoze

Numbers 24:13

‘Ga gaamai naa donu e Balak gi de au, dono hale e honu laa i selevaa ma goolo, aagai au e dee maua donu i de hai ogu mee e lodo ai, e dee hilihili be se mee danuaa aabe se mee baubau. Au e dee maua donu i tee daudali i muna a Tagi Maolunga, gai au e tala donu huu muna a Tagi Maolunga e tala mai’?

Numbers 22:18

Aagai Balaam ne basa ange, ga hai ange gi denga daane hai hegau o Balak, “Ga gaamai naa donu e Balak dono hale e honu laa i selevaa ma goolo, gai au e dee maua donu i tee daudali i muna a Tagi Maolunga, dogu Maadua.

Mark 6:23

Gai Herod ne basa hagatoo donu ange gi de ia, ga hai ange, “Be se aha naa huu oou e dangidangi mai ai, gai au e gaavadu donu gi de goe, ga dae ai loo gi dahi luu baasi o dogu nohoanga hodooligi!”

Mark 6:11

Gai de mommee naa huu e dee abodonu adu gi goodou aabe hagallongo oodou agoago, gai de masavaa naa huu oodou e hulo gee ai i kilaa, gai goodou ga luuluu gi too gelegele i oodou vae e hai baasi ange ai gilaadeu!”

2 Kings 5:16

Aagai Elisha ne hai ange, “Au e hagatoo donu i de mouli o Tagi Maolunga, de ia oogu e hai hegau ange nei aagena, bolo au e dee kave donu dahi mee ngadi gaavange daudahi naa.” Gai Naaman ne hagammahi ange ia gi gaavee mee laa, aagai ia tee kave.

Exodus 7:2

Gai koe ga tala ange gi doo daina go Aaron mee alodahi aagu e tala adu gi de goe, gai ia ga tala ange gi Pharaoh, gi dugua ai e ia de gau Israel gi hulo gee mai i dono henua.

Exodus 5:6

De laangi laa gai Pharaoh ga tala ange gi denga daane Egypt e dagina laa hegau, aama denga daane Israel e hagaseesee ina hegau,

Exodus 5:3

Gai gilaau ga hai ange, “De Maadua o de gau Hebrew gu hakide mai gi gimaau. Deelaa ai, dugua mai gimaadeu gi hulo gi de vao i e dolu laangi e daumaha ange ai gi Tagi Maolunga, demaadeu Maadua, kana daia e ia gimaadeu i de mee hagamaakau be go de gadilaasa.”

1 Kings 13:9

go hiidinga Tagi Maolunga ne tala mai gi de au, ga hai mai, ‘Koe e dee gaimee be unu, aabe gi ahe i de haiava mau oou ne hano ai naa.’ ”

Numbers 22:8

Gai Balaam ga hai ange gi gilaadeu, “Goodou nnoho i kinei aaboo nei, gai boo taiao, gai au ga tala adu be aahee muna a Tagi Maolunga ne tala mai.” Gai denga dagi o Moab ne nnoho i daho Balaam i de boo laa.

Psalm 141:4

Koe gi dee dugua mai au gi lodo e hai de mee dee heohi, ma de hai de baubau madali gilaadeu e haia de baubau; gai au gi dee gaina alaadeu gai mammami.