1 Kings 13:4 - De Beebaa Dabu

⁴ De masavaa a de hodooligi ne langona ai muna a taane o de Maadua ne hagamalaia ai de mommee o ssigidaumaha i Bethel, gai Jeroboam ga sisi ange taane laa i dono masavaa e duu ai i gaogao de mommee o ssigidaumaha, ga hai ange, “Boogia ia!” Gai dono lima ne sisi ange ai laa taane laa gu dee maua i de hagangalue, gai ia gu dee maua i de dugu iho dono lima gi lalo.

1 Kings 13:4 Referans Kwoze

Revelation 11:5

Gai noo hanu e hagatale de hagalagolagohia gilaau, gai de ahi ga sao mai i lodo olaau ngudu ga daa gu maakau dangada e hai baasi ange gi gilaau. Gai deenei de hai e daa ai gi magau tangada e lodo e hagalagolagohia gilaau.

John 18:6

De masavaa a Iesu ne hai ange ai gi gilaadeu, “Go au donu deenei,” gai gilaadeu ga aahe dua gu baakuu gi honga de gelegele.

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

Luke 6:10

Gai Iesu ga galogalo saele ga haaina gilaadeu alodahi, gai ia ga hai ange gi taane laa, “Haalo ina doo lima.” Gai taane laa ga haalo dono lima, aagai gu ieiangi dono lima.

Matthew 26:57

Gai denga daane ne boogia laa Iesu ne dagi ia ga kave gi de hale o tangada haimeedabu maolunga go Caiaphas, go de mommee o de gau sisi ma denga dagi e hagabuni ai.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Psalm 105:15

“Goodou e dee poo ange gi gilaadeu aagu gu hagadabu i de lolo, gai gi dee hagammae ina ogu pelaabisi.”

2 Chronicles 16:10

Gai Asa ne lili i taane e gidee mee e loomai i hiidinga o muna nei, gai ia ga hhao ia gi lo te hale pono. Gai Asa ne vaivai hai hogi hanu dangada i de masavaa laa.

Genesis 19:11

Gai gilaau ga hai gu dee kide denga daane i tua de haitoga o de hale, mai i tama daane ga dae ai gi taane madua, gai gilaadeu ne hagammahi ga haahaa saele e ssala de haitoga.

1 Kings 13:3

De laangi laa gai taane laa ne tala hogi dagodo o dahi hagailonga, ga hagadaba, “Tagi Maolunga gu tala dagodo o dahi hagailonga: de mommee o ssigidaumaha nei e oha naa, gai lehu i ono elunga e maalingi naa gi daha.”

1 Kings 13:5

Gai de mommee o ssigidaumaha laa ne maoha donu huu i de masavaa laa, gai denga lehu i honga de mommee o ssigidaumaha gu maalingi gi daha, bei de hai a taane o de Maadua gu tala laa i de ingoo o Tagi Maolunga.

1 Kings 12:29

Gai ia ne kave dahi kaau laa ga hagaduu i Bethel, gai dahi ne kave ga hagaduu i Dan.

1 Kings 22:27

ma gi hai ange, ‘E hagadaba de hodooligi: haaoa taane nei gi lo te hale pono, gai haangai ina ange donu huu ia i hanu momo pelaoaa ma vai, ga dae ai gi dogu ahe mai i de hebagi i de noho baba.’ ”