1 Kings 13:18 - De Beebaa Dabu

¹⁸ Gai ia ga hai ange gi taane laa, “Au se pelaabisi hogi bei oo dagodo, gai tangada de langi ne tala mai muna a Tagi Maolunga, ga hai mai, ‘Hannoo hagaahea mai ia madali goe gi doo hale, e gaimee ai ia ma de unu.’ ” Aagai ia ne hadu muna ange gi de ia.

1 Kings 13:18 Referans Kwoze

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

Numbers 22:35

Gai tangada de langi o Tagi Maolunga ga hai ange gi Balaam, “Hannoo madali denga daane naa; gai koe daalaa donu huu muna aagu e tala adu koe gi daalaa.” Gai Balaam ne hano madali dagi o de henua ne loomai laa i daho Balak.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Ezekiel 13:22

Goodou gu hai ma gu llodo baageaa gilaadeu e heohi i oodou muna hhadu, gai e dee go au donu ne hagadaemaha ina gilaadeu; gai goodou ne hagammahi ange de gau baubau gi dee daahuli gee ai gilaadeu i alaadeu hegau baubau gi mouli ai gilaadeu.

Jeremiah 23:32

Tilo, au e hai baasi ange gi gilaadeu e pasa pelaabisi i denga midi hhadu, go Tagi Maolunga e hagadaba. Gilaadeu e dagi gee ogu dangada i alaadeu muna hagassoenga, gai e dee go au donu ne haia gilaadeu gi hulo, aabe go au ne hilia gilaadeu. Deenei ai, e deai donu olaadeu haigamaiana ange gi dangada, go Tagi Maolunga e hagadaba.

Jeremiah 23:17

Gilaadeu e duudagi huu de hai ange gi dangada e hagangadi mee ina dogu ingoo, ‘E hagadaba Tagi Maolunga: Goodou e nnoho paba naa donu;’ gai e hai ange gi dangada alodahi e hagamakaga ina olaadeu lodo, ‘E deai donu se hai ngadaa e duu adu gi goodou.’

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Jeremiah 5:12

Gilaadeu tee tala de muna abodonu i dagodo o Tagi Maolunga, gilaadeu ne hagataba, “E deai naa donu ana mee e hai! E deai ange naa donu se hai ngadaa e duu mai gi gimaadeu; gimaadeu e dee gidee naa donu de gadilaasa aabe go de onge.

Isaiah 9:15

denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Judges 13:3

Gai tangada de langi o Tagi Maolunga ne humai ga hakide ange gi de hine laa, ga hai ange gi de ia, “Tilo, iainei koe se hine dee hua tigi ai au gauligi; aagai koe e hai dama naa ga haanau dahi dama daane.

Galatians 1:8

Aagai e dee galemu donu be go gimaadeu aabe se dangada de langi, e agoagona adu goodou i dahi longo danuaa gee ma de mee amaadeu gu lava i de agoago adu ai goodou, gai ia gi malaia!

1 Timothy 4:1

Gai de Hagasaalunga ⌊Dabu⌋ gu tala bolo hanu e daahuli gee naa i de gai i laangi hagaodi, gai gilaadeu ga daudali i lodo o hagasaalunga hadu muna aama de agoago i daho denga hagasaalunga baubau.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

1 Kings 13:19

Gai taane o de Maadua ga ahe madali ia, ga gaimee i dono hale, ma de unu.

1 Kings 20:35

Gai dahi daane mai i de hagabuulinga o denga pelaabisi ne hai ange gi dahi ono soa, bei dagodo muna a Tagi Maolunga, “Aude haihaia, hagailihia donu au.” Gai taane laa tee sabala gi hagailihia ia.

Proverbs 12:19

De muna abodonu e dagodo ga hano ai, aagai denga muna hhadu e dagodo donu i dahi masavaa bodobodo.

Proverbs 12:22

Tagi Maolunga e kino i de gau hadu muna, aagai ia e malangilangi i dangada e hai hegau i de mee abodonu.

Proverbs 19:5

Tangada tala hagadonu hhadu muna e dee haihai naa donu ga dee hagaduasala, gai tangada e daalaa muna hhadu e dee ola naa donu.

Isaiah 36:10

E dahi ange mee, e dee go Tagi Maolunga ne hai mai au gi humai gi hebagi adu ma de oha de henua nei? Tagi Maolunga ne hai mai au gi humai gi hebagi ange gi de henua nei ma gi oohaa ina.’ ”

Jeremiah 29:31

“Alumia hai ange gi dangada alodahi ne gaavee gi Babylon, ‘E hagadaba Tagi Maolunga i dagodo o Shemaiah taane Nehelam: Go hiidinga Shemaiah ne basa pelaabisi adu gi goodou, gai e dee go au ne haia ia gi hanadu, gai ia gu hai goodou gi hagadonusia ana muna hhadu,

Jeremiah 29:32

deenei ai, e hagadaba Tagi Maolunga, au e hagaduasala naa donu Shemaiah taane Nehelam ma ono hagadiilinga. Gai e deai naa donu ono dangada e doe i magavaa o de huaadangada nei, aabe e gidee mee danuaa aagu gu dai hai ange gi dogu huaadangada, go Tagi Maolunga e hagadaba, go hiidinga ia ne agoago ange dangada gi hai baasi mai gi de au.’ ”

Ezekiel 13:8

Deenei ai, e hagadaba de Ia Aamua go Iahweh: Go hiidinga o oodou muna hhadu ma oodou midi hagaago ange hhadu, deenei ai, au e hai baasi adu donu gi goodou, go de Ia Aamua go Iahweh e hagadaba.

Genesis 3:13

Gai Tagi Maolunga go de Maadua ne hai ange gi de hine, “Se hegau bee hee aau gu hai nei?” Gai de hine laa ga hai ange, “Go de labodo ne hagasengalia au, gai au ga gai.”

Genesis 27:24

Gai ia ga ssili ange, “Ni muna abodonu go koe go dagu dama go Esau?” Jacob ne hai ange, “Go au donu deenei.”

1 Kings 22:22

Gai Tagi Maolunga ga ssili ange, ‘Dee hee dau hai e usuusu ange ai ia?’ Ia ne hai ange, ‘Au e hano naa ga hai gi se hagasaalunga hadu muna i lodo ngudu o ono pelaabisi alodahi.’ Gai Tagi Maolunga ne hai ange, ‘Koe e maua naa donu i de usuusu ange ia, hannoo haia gi bei au muna.’