1 Kings 12:18 - De Beebaa Dabu

¹⁸ Gai de hodooligi go Rehoboam ne hai Adoram, tagi o de gau hai hegau, gi hano gi daho de gau Israel, gai gilaadeu alodahi ga maga ia gu magau i denga hadu. Gai de hodooligi go Rehoboam ga hagamoolau ga gage i dono hada hebagi ga savini ga ahe gi Jerusalem.

1 Kings 12:18 Referans Kwoze

1 Kings 4:6

Ahishar — tagi o de hale o de hodooligi; gai Adoniram, tama daane a Abda — tagi o de gau dee kii e hagahai hegau laa.

1 Kings 5:14

Gai Solomon ne hai e dahisemada daane gi hulo gi Lebanon i denga malama alodahi; gilaadeu e hulo ga hai hegau i e dahi malama, ga lava ga aahe gi olaadeu hale i e lua malama. Gai go Adoniram tagi o denga hagabuulinga o de gau dee kii e hagahai hegau ina laa.

2 Samuel 20:24

Adoram go tagi o de gau dee kii e hagahai hegau ina; Jehoshaphat, tama daane a Ahilud, go tangada daohi;

Acts 5:26

Gai tagi laa ma hanu ono daane ne hulo ga gaamai de gau laa. Gai gilaadeu tee hai gi de mahi gilaadeu, go hiidinga gilaadeu e maatagu dangada kana maga gilaadeu i hadu.

Amos 2:16

Gai taane lo taane i magavaa o denga daane mmahi e savini naa ga hano ma de gilisau i de laangi laa,” go Tagi Maolunga e hagadaba.

2 Chronicles 24:21

Aagai gilaadeu ga hagasaele ange de daa ia gi magau. Gilaadeu ne daudali i muna a de hodooligi ga maga ia gu magau i denga hadu i lo te buibui o de hale o Tagi Maolunga.

2 Chronicles 10:18

Gai de hodooligi go Rehoboam ne hai Adoram, tagi o de gau hai hegau, gi hano gi daho de gau Israel, gai gilaadeu ga maga ia gu magau i denga hadu. Gai de hodooligi go Rehoboam ga hagamoolau ga gage i dono hada hebagi ga savini ga ahe gi Jerusalem.

Numbers 14:10

Gai de hagabuulingaa dangada laa alodahi gu llodo e magaa gilaau i denga hadu. De masavaa laa donu huu gai de gau Israel alodahi gu gidee de maalama o de mahamaha o Tagi Maolunga gu haoli de hale malo hagabuni.

Exodus 17:4

Gai Moses ga dangidangi ange gi Tagi Maolunga, ga hai ange, “Dee hee dagu hai e hai ai dangada nei? E momo ange donu huu gilaadeu gu maga ngau i denga hadu.”