1 Kings 11:5 - De Beebaa Dabu

⁵ Gai ia ne daumaha ange gi Ashtoreth, tiinonga hahine o de gau Sidon, ma Milcom, tiinonga hakino gee o de gau Ammon.

1 Kings 11:5 Referans Kwoze

1 Kings 11:7

Gai Solomon ne hagaduu dahi mommee daumaha ange gi Chemosh, tiinonga hakino gee o de gau Moab, gai dahi mommee ange gi Molek, go tiinonga hakino gee o de gau Ammon, i honga dahi duuduu baasi dua o Jerusalem.

Judges 2:13

Gilaadeu ne tili Tagi Maolunga, gai ga hulo ga daumaha ange gi denga Baal ma Ashtaroth.

2 Kings 23:13

De hodooligi ne oha hogi denga mommee daumaha i baasi i dua o Jerusalem, ma baasi ngaage o de Mounga o denga Olive, go mommee a Solomon, de hodooligi o Israel ne hagatuu e daumaha ange ai gi Ashtoreth, tiinonga hakino gee o de gau Sidon, ma Chemosh, tiinonga hakino gee o de gau Moab, aama Milcom, tiinonga hakino gee o de gau Ammon.

1 Kings 11:33

Au e hai de hegau nei i hiidinga gilaadeu ne tili au gai gu daumaha ange gi Ashtoreth, tiinonga hahine o de gau Sidon, ma Chemosh, tiinonga o de gau Moab, ma Milcom, tiinonga o de gau Ammon; gilaadeu tee daudali i ogu haiava, ma tee hai hegau i de heohi i mada luoogu mada, gilaadeu tee daohi hogi agu muna gu hagasauaa, ma agu hagamodu, bei dagodo hegau a David, tamana o Solomon ne hai.

Judges 10:6

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga; gilaadeu ne daumaha ange gi denga Baal, ma Ashtaroth, ma denga diinonga o Syria, ma diinonga o Sidon, ma diinonga o Moab, ma diinonga o de gau Ammon, aama diinonga o de gau Philistia. Gilaadeu ne tili Tagi Maolunga gu dee daumaha ange gi de ia.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

1 Samuel 12:10

Gai gilaadeu ga tangi ange gi Tagi Maolunga, ga hai ange, ‘Gimaadeu gu haisala, i hiidinga gimaadeu gu tili Tagi Maolunga, gai gu daumaha ange gi denga Baal aama denga Ashtaroth. Aagai koe gi hagaola ina gimaadeu mai i omaadeu hagadaumee, gai gimaadeu ga daumaha adu ai gi de goe.’

Leviticus 18:21

Aude gaavange dahi au dama e sigidaumaha ange gi tiinonga go Molek, ga hagangadi mee ai de ingoo o doo Maadua. Go au donu go Iahweh.

1 Kings 11:6

Gai Solomon gu hai de baubau i mada luu mada o Tagi Maolunga; ia tee daudali ange i Tagi Maolunga i ono lodo alodahi, bei dagodo o dono damana go David.

Isaiah 44:19

Gai e deai donu se gilaadeu e noho ga hagasaelea mee nei, e deai hogi e dahi ono iloo mee aabe e donu ange ga hagadaba, “Au e hai de ahi i dahi luu baasi o laagau nei; au e dao hogi agu pelaoaa i ono maga ahi, ma de hulihuli ai agu giidagi e gaimee ai. Gai au ga hai ai nei hogi dahi diinonga hakino gee i laagau e doe? E aha, au ga ino ange nei hogi e daumaha ange gi dahi bido laagau?”

Judges 2:11

Gai de gau Israel gu dahulinga baubau i mada luu mada o Tagi Maolunga, ma de daumaha ange gi denga Baal.