1 Kings 10:9 - De Beebaa Dabu

⁹ Duuhia Tagi Maolunga doo Maadua! Ia ne malangilangi i de goe ma de hai goe gi hodooligi i de nohoanga hodooligi o Israel! Go hiidinga Tagi Maolunga e aloha i Israel ga hano ai, deelaa ai, ia gu hai goe gi hodooligi, gai koe ga hagamodu ai olaadeu muna i de heohi.”

1 Kings 10:9 Referans Kwoze

Psalm 72:2

Gai ia gi hagamodu ina muna o oo dangada ma de gau hagaaloha i de heohi.

1 Kings 5:7

De masavaa huu a Hiram ne langona ai muna a Solomon, gai ia gu malangilangi mmao, ga hagadaba, “Duuhia Tagi Maolunga anailaa nei, go de ia ne gaavange gi David dahi dama daane heiangi gi dagina de hagabuulingaa dangada soa nei.”

2 Samuel 8:15

Gai David ne hodooligi i honga Israel alodahi, gai ia ne hagamodu i de soe ma de mee heohi ange gi ono dangada alodahi.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

2 Chronicles 2:11

Gai Hiram de hodooligi o Tyre ne sisi dahi leda ga hagaahe gi Solomon, ga hai ange, “Go hiidinga Tagi Maolunga e aloha i dono huaadangada, ia gu hai goe go delaadeu hodooligi.”

Psalm 22:8

“Ia e hagadonu Tagi Maolunga; Tagi Maolunga gi hagaola ina ia. Ia gi hagamouli ina ia, i hiidinga ia e malangilangi i de ia.”

Psalm 18:19

Ia ne hagasao mai au ga dugu i de mommee lahalaha; ia ne hagaola mai au, i hiidinga ia e malangilangi i de au.

1 Chronicles 17:22

Koe ne hai Israel go oo dangada donu ga hano ai. Gai koe, Tagi Maolunga, gu hai go delaadeu Maadua.

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

Isaiah 62:4

Gai koe gu dee hagabinga bolo go De ia gu Dilia, gai doodou henua gu dee hagabinga bolo go Ngadi Dagodo. Aagai koe e hagaingoo ange naa go Hephzibah, gai doo henua e hagaingoo ange naa go Beulah; go hiidinga Tagi Maolunga e malangilangi naa i de goe, gai doo henua e bei naa de hine gu hai bodu.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Deuteronomy 7:8

Aagai go hiidinga Tagi Maolunga ne aloha i goodou, gai ne daohi de hagatoo donu aana gu hagatoo donu ange ai gi oodou dubuna madagidagi, deelaa ai, ia ga hagassao mai goodou i dono lima mmahi, ma de hagaola goodou, mai i de henua oodou nogo hai hegau hagaduasala ai laa, aama mai i ssauaa o Pharaoh, de hodooligi o Egypt.

2 Samuel 5:12

Gai David gu donu iho bolo Tagi Maolunga gu hili ange ia gi hodooligi i Israel, ma de hai gi maolunga dono nohoanga hodooligi, i hiidinga o ono dangada go de gau Israel.

1 Kings 3:28

Gai ga langona huu e de gau Israel alodahi de hai a de hodooligi ne hagamodu ai de mee laa, gai gilaadeu gu llele mouli i hegau a de hodooligi ne hai, go hiidinga gilaadeu gu tonu ange bolo de Maadua gu gaavange gi de ia de heiangi, gai ia ga hagamodu ai muna i de heohi.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.

Malachi 1:2

E hagadaba Tagi Maolunga, “Au ne aloha i de goe.” Aagai goodou e ssili, “Dee hee doo hai e aloha ai i gimaadeu?” E hagadaba Tagi Maolunga, “E aha, e dee go Esau taina daane o Jacob? Gai au ne aloha i Jacob,